الجيب جاهز وللمقـــــــناص مشــــتـــــاقــــــي

هذي قصيدة عن المقناص مختارة :/،ـ
آمل ان تحوز على رضا الجميع .
وهي تقول :

الجيب جاهز وللمقناص مشتاقي
مشتاق وقت القناص متى يذيعونه

وين انت يالي بطرد الصيد عشاقي
زان القناص يوم طاح الوسم بحتونه

يا زين ممشاه مع ستر الله الواقي
حيث المطافي قما لزمو دركسونه

يزرع اسرور الضماير بقصى الاعماقي
لا جا الشبح مشط الخبة على هونه

ما فوقه إلى نشاما ذوقهم راقي
نوم الضحا بالمدينة ما يعرفونه

نعطيه أما الله خفت نفس وخلاقي
خويهم عن غثا الدنيا يسلونه

يمشون ممشا عقل ماهو بالارهاقي
والفرض لا حان وقته ما يخلونه

لا هدّو الاشجار الي فيه مزباقي
لا شافه الخرب جوه يختلف لونه


|3|تقبلوا تحياتي |3|

مشكور ...ولاقصرت
لكن عن اذنك
فيه تعديل على البيت الثالث

يا زين ممشاه مع ستر الله الواقي
حيث المطافيق مالزموا دركسونه

مالزموا : بمعنى مامسكوا وهي كلمة بدويه بحته

يعطيك العافيه وبيض الله وجهك وقصيده جزله وصح السانك والسان الشاعر
وعسى الله ان يغيث المسلمين بالمطر.
تقبل تحياتي:
((الدلبحي))

بيض الله وجهك يالوجيه
قصيده رائعه رائعه جدا

الغربي