) د وله ... بدون ... سجون (

السلام عليكم ورحمة الله وبركاته


هذه احدى قصائدي المتواضعه


اتمنى ان تنال استحسانكم







اناالشاعر اللي لو كتبها على الشفره = تصير القصيده سجن للغايب المسجون



وتبا تروح مرواح الحطب لا صرم جمره= وجمره منه تقعد تواشا على الغليون



ومابين واهجها وتنعيست الخدره=مع الكنه اللي تظهرالخافي المكنون



علشان صحوة قاري البيت والسكره=يبا يكشف الشفره لاوالله ماهو مضمون



ايطول الطريق المختصروالهدف قصره= وكل الدقايق شك فيهاالثواني اظنون



ضما والسحابه ماش فيها ولا قطره= ولاكنها اللي خيلت في زمن هارون



لكن الصبر للجبر والياس للكسره=اذا كان باقي سمع في مجتمع يوحون



ولو ضاع منه الصبر ماينقبل عذره= متاهات صحراء وان نشد وين مايدرون



وليل (ن)سواده يقتل النور في فجره= ومسرح جريمت قتل نوره حدود الكون



وانا اللي صبرلين الزمن مل من صبره= وانا العاقل اللي نظرة الوقت إله مجنون



ونا ادري بنفسي ما تجاوزت هالشعره= ومشيتها ماقلت يا وقتنا ملعون



احب التسامح لجل صدري (مجا كبره)= على قد مد الشوف طير وسما واغصون



لاني احب ولا اعرف ازعل ولا اكره=وقلبي مدينه وسط دوله بدون اسجون



وسكان قلبي شعب عايش على الفطره=وحسب النظام المتبع كلهم يمشون



ولايقرب الميسر ولايقرب الخمره= وبالرغم من هذا وهذا عليه اديون



يودع هموم اليوم وتقابله بكره= ولاخانته لو يوم واحد عشان ايخون



من ايام صغره لين يوم انحنى ظهره=وهم مع بعضهم كلهم فالوعد يوفون





هذ شعب قلبي بالكرامه حفر قبره=لان القناعه كنز في قلوبهم مدفون





مثقف ومتعلم هذا مو جز النشره=ويبني من الامال سور وجبل واحصون





واله فالشعوب وفي حياة البشر نظره= بناها على الواقع ومن منطلق تكفون



بعدصار سوق وبيع للمجد والشهره= وتنباع بالجمله وتنباع بالكرتون



انا ليش اسوي للقصيده اذا شفره=وهي شاعر المعنى بعد شاعر المليون


اخوكم


عبدالاله بن شلواح بن شلاح المقاطي.

0

0

امنت بالله

ماشاء الله تبارك الله

عبدالآله صح لسانك حتى ترضى

والله اني اقتبست فالبدايه بعض البيوت ولكن وجدت ان القصيده كلها تحتاج اقتباس

شاعر ذهبي لاتحتاج شهاده

سجل محبتي واعجابي الجم

ننتظر جديدك

محبك
,

كلماتكـ دااائما بالصميم وتحدث الباطن
استمر بالعطاء فقلمك لازال به الكثير