شيخنا شيخ المراجل والصعايب .... ثابتن كطويق تزبنله عتيبه

بسم الله الرحمن الرحيم

السلام عليكم ورحمه الله وبركاته

اسعد الله مسائكم بكل خير ..

انقل لكم قصيدة الشاعر نادر متعب بن مثعي الغربي

بمناسبة عودة الشيخ عبدالله بن عمر بن ربيعان إلى ارض الوطن بعد رحلة علاجية

وقد إقيم هذا الحفل في قاعة اليخت يوم الجمعة 10\4\1431 هـ

وسيبث حصرياً على قناة المرقاب في وقت لاحق ..







بسم من ينشي مراويح السحايب=واحدن يولج نهاره في مغيبه

نبتدي والكيف في ذا اليوم طايب=في قدوم الشيخ حلال الصعيبه

مرحبا بقدوم زيزوم الكتايب=الامير الي مضاريبه عطيبه

الامير الشهم حلال النشايب=هيلعين بالكرم ما صر جيبه

مقدم الهيلا عطيبين الضرايب=ملتجى من حده الوقت ولهيبه

قاصي العربان والا للقرايب=عيلمين ينصاه من شاف الغليبه

شيخنا شيخ المراجل والصعايب=ثابتن كطويق تزبنله عتيبه

شامخن يذريك عن لفح الهبايب=شاهد له بالفعل حتى حريبه

نادرن لامن شهر جاب الكسايب=يوم غيره تعرفه بس الحبيبه

من تعزوابه ابد ماهوب خايب=يارد الجمع المعادي ما يهيبه

ابو ماجد سيرته فيها العجايب=من بغى درب المراجل يقتديبه

حكمه وحنكه ولا في يوم غايب=في نهارن يعرف الطيب بطيبه

هي كذا شيخة مجرين المهايب=شيخة ماهيب مثله شك ريبه

والسلام ختام يا سقم الحرايب=يا طليق الوجه يا مزبن عتيبه







وفي الختام نستودعكم الله ..

ونعم مليووون في نادر بن مثعي الغربي

قصيده وافيه من شاعر وافي

والحمدلله على سلامة الشيخ : عبدالله بن ربيعان
ولا هنت على النقل يالغالي

تحيتي

صــح لـــسان ابــومــتــعــب

ولـــهــنــت عــلى الــنــقل

فــارس الـهــيلا

الله لا يهينكم على المرور

وصحت آبدانكم ..