13-Mar-2005, 09:40 PM
ايها الاحبه السلام عليكم ورحمة الله وبركاته
بالله يللي رافعٍ سبعٍ شداد = ياكريمٍ يا حليمٍ يا مجيد
من بيده الأمر واليه المعاد = الله اللي يبدي الخلق ويعيد
يا مدمر قوم نوح وقوم عاد = يا معذب كل جبارٍ عنيد
يالكريم اللي عليك الاعتماد = واسعه رحتمك وعقابك شديد
يا الاهي دلنا درب الرشاد = وهدنا للخير والراى السديد
يا بلدنا ما نبي غيرك بلاد = ولا نوينا لا رحيل ولا شديد
لو جوك حر ما فيك البراد = لا نهر يجري والا يسقط جليد
واديٍ مافيه زرع ولاوحصاد = غير بيد من ورى بيد وبيد
السمر والطلح والسدر وقتاد = والنخل مع العشر طلع نضيد
عشق رملك في قلوب الكل زاد = وارثينه عن جدود ابن وحفيد
ثاني الاركان في دين العباد = من يضيع وجهتك لازم يعيد
وخامس الاركان تاتيك الوفاد = ومن يزور البيت يكتب له سعيد
فيك خير وفيك امن ٍ وقتصاد = والشرف والعز له عندك رصيد
والثمار اتجيك من دون وغاد = دعوة ابراهيم للرب الحميد
ياوطن مافيك ظلمٍ واضطهاد = كل ابونا اسياد ما فينا عبيد
ياوطنا من نوى فيك الفساد = ما نوى فيك الفساد الا البليد
مروجين ابضاعة فيها كساد = ويتحين للفرص وده يصيد
من امركم قتل طفل بالمهاد = ما امركم غير شيطان مريد
سفك دم المسلمين اصبح جهاد = ومن قتل له مسلم يصبح شهيد
ان كان هذا فكركم والاعتقاد = والله الجبتو لنا دين جديد
اللي فجر وانتحر ويش استفاد = ومن ربط حوله لغم وش يستفيد
يالله انا نطلبك صبح وهجاد = تهلك اصحاب الفتن حتى تبيد
بانت الدعوه ولا فيها حياد = عن طريق الحق و الله مانحيد
لكل سقم عندنا طب ومضاد = اول الترغيب والتالي وعيد
ون تمادى وزاد كفره بالعناد = نحصده حصدٍ كما الحب الحصيد
ما يضرك ياجمل قرص القراد = لا نزف دمك ولا عقب صديد
والله انا ما حسبنا للجراد = نخبط الجراد باوراق الجريد
وفي نهار يثور بارود وزناد = ما يفلك يالحديد الا الحديد
العدو في عينه انذر الرماد = ونترك النيران في قلبه تقيد
كل ابونا اصقور في وقت الهداد = لا تكل ولا تمل ولا تهيد
باذلين ارواحنا يوم الحصاد = والله لنرويك من دم الوريد
رافعين السوم في وقت المزاد = دمنا وارواحنا سعرٍ زهيد
سلاحنا القران والسنه عتاد = وشرعنا الاسلام والدين العتيد
ياعيون الشعب وهنى بالرقاد = ونعمي بالخير والعيش الرغيد
دام ابو فيصل على ظهر الشداد = ودام عبدالله على جنبه عضيد
لبسنا ابيض ما توشحنا السواد = وشكرو ربي عسى خيره يزيد
قوم يالمذن وأذن ثم ناد = اْْْسمع اللي من قريب ومن بعيد
الحكم لله وحده يوم ساد = ثم لال اسعود سيد بعد سيد
نحمد الله جاتنا حسب المراد = بامر رب الكون يفعل ما يريد
يا وطنا لبسك اثياب جداد = يا وطنا كل يومٍ فيك عيد
كل شاعر لو كتب فيك واجاد = ما توفي حقك ابيوت القصيد
بالله يللي رافعٍ سبعٍ شداد = ياكريمٍ يا حليمٍ يا مجيد
من بيده الأمر واليه المعاد = الله اللي يبدي الخلق ويعيد
يا مدمر قوم نوح وقوم عاد = يا معذب كل جبارٍ عنيد
يالكريم اللي عليك الاعتماد = واسعه رحتمك وعقابك شديد
يا الاهي دلنا درب الرشاد = وهدنا للخير والراى السديد
يا بلدنا ما نبي غيرك بلاد = ولا نوينا لا رحيل ولا شديد
لو جوك حر ما فيك البراد = لا نهر يجري والا يسقط جليد
واديٍ مافيه زرع ولاوحصاد = غير بيد من ورى بيد وبيد
السمر والطلح والسدر وقتاد = والنخل مع العشر طلع نضيد
عشق رملك في قلوب الكل زاد = وارثينه عن جدود ابن وحفيد
ثاني الاركان في دين العباد = من يضيع وجهتك لازم يعيد
وخامس الاركان تاتيك الوفاد = ومن يزور البيت يكتب له سعيد
فيك خير وفيك امن ٍ وقتصاد = والشرف والعز له عندك رصيد
والثمار اتجيك من دون وغاد = دعوة ابراهيم للرب الحميد
ياوطن مافيك ظلمٍ واضطهاد = كل ابونا اسياد ما فينا عبيد
ياوطنا من نوى فيك الفساد = ما نوى فيك الفساد الا البليد
مروجين ابضاعة فيها كساد = ويتحين للفرص وده يصيد
من امركم قتل طفل بالمهاد = ما امركم غير شيطان مريد
سفك دم المسلمين اصبح جهاد = ومن قتل له مسلم يصبح شهيد
ان كان هذا فكركم والاعتقاد = والله الجبتو لنا دين جديد
اللي فجر وانتحر ويش استفاد = ومن ربط حوله لغم وش يستفيد
يالله انا نطلبك صبح وهجاد = تهلك اصحاب الفتن حتى تبيد
بانت الدعوه ولا فيها حياد = عن طريق الحق و الله مانحيد
لكل سقم عندنا طب ومضاد = اول الترغيب والتالي وعيد
ون تمادى وزاد كفره بالعناد = نحصده حصدٍ كما الحب الحصيد
ما يضرك ياجمل قرص القراد = لا نزف دمك ولا عقب صديد
والله انا ما حسبنا للجراد = نخبط الجراد باوراق الجريد
وفي نهار يثور بارود وزناد = ما يفلك يالحديد الا الحديد
العدو في عينه انذر الرماد = ونترك النيران في قلبه تقيد
كل ابونا اصقور في وقت الهداد = لا تكل ولا تمل ولا تهيد
باذلين ارواحنا يوم الحصاد = والله لنرويك من دم الوريد
رافعين السوم في وقت المزاد = دمنا وارواحنا سعرٍ زهيد
سلاحنا القران والسنه عتاد = وشرعنا الاسلام والدين العتيد
ياعيون الشعب وهنى بالرقاد = ونعمي بالخير والعيش الرغيد
دام ابو فيصل على ظهر الشداد = ودام عبدالله على جنبه عضيد
لبسنا ابيض ما توشحنا السواد = وشكرو ربي عسى خيره يزيد
قوم يالمذن وأذن ثم ناد = اْْْسمع اللي من قريب ومن بعيد
الحكم لله وحده يوم ساد = ثم لال اسعود سيد بعد سيد
نحمد الله جاتنا حسب المراد = بامر رب الكون يفعل ما يريد
يا وطنا لبسك اثياب جداد = يا وطنا كل يومٍ فيك عيد
كل شاعر لو كتب فيك واجاد = ما توفي حقك ابيوت القصيد
