بيداء فكر .. ( مصافحة أولى )

بسم الله الرحمن الرحيم

أتشرف بحضوري بين الرجال المطاليق

بهذا الصرح الادبي الراقي بروعة أعضاءة

والشكر موصول لكم ولصاحب الدعوة الغالية

أتمنى من الله أن أقدم مايليق بكم ويرقى لذائقتكم

.
.
.
.





للنيـه الحسنه ظـنـون وتفاسـيـر=للشك في وجـه الحقيقـه مـواري
والشر فـي ظـن العـرب يسبـق الخيـر=ومال الصحيـح بعالـم الـكـذب طــاري
تنبيك عن سر الوجيه التعابير=وتقطع مسافات الدروب المساري
تعـاف نسمـات الصـبـاح العصافـيـر=والحـر مايجنح ميـولـه يـسـاري
أحـيـان أكـبـر فــود لاعّـــود الـطـيـر=ولاكــل طـيـرً دوم صـيــده حـبــاري
بعـض الدواعـي عرقلتهـا المحاذيـر=واصعب سـؤال اللـي جوابـه خيـاري
من وجه واحد يحسبـون المخاسيـر=ومن صـوب واحـد يتبعـون الاثـاري
تزهقهـم الخـطـوه وتعـطـي تباشـيـر=لـلـي يبـشـر فــي هـبـوب الـــذواري
أخـذ نفـس مـن عقب سجـة وتفكـيـر=وأسترجع اللي صـار هـاك النهـاري
وأرفـع غطـا هالبيـر وأغطـي البـيـر=وأرفـع نظـر عينـي بساحـة مــداري
وأعطـيـك عـلـمً مـالقوه الـمـداويـر=وأمشي بدافع رغبتي واختياري
وأكـسّـر أقـفـالـن علـيـهـا مسـامـيـر=وأفـتّــح أبـوابــاً مـداهــا صــحــاري
بـيــداء فـكــر ماشـابـهـا أي تـأثـيـر=تهـدي مفاتـيـح القصـيـد أنتـصـاري
أزرع مساحتها ورود ونواوير = لا جابرن خاطر ولاني أمداري
ماجيت أغـيّـر بالشعر وجهة السير = ولا جيت أدور فيه رد أعتباري
شاعر وقدري في عيون الجماهير = اللي مشاعرهم تحدد مساري
وأن كان ضاقت بالكلام التعابير = ماني عن اللي يحبك العذر داري
دايم عزى الخسران قولة حصل خير= والخـيـر ويـنــه يابـعـيـد الـمـحـاري
أسـوى عبـاره صّدرت منك للغـيـر=يعنـي أنتظـاري وش يفيـد أنتظـاري
أقولك يكفي عن الذنب تبرير = مــاكــل زلــــه تـنـغـفـر بـالـعــذاري
للنيـه الحسنه ظـنـون وتفاسـيـر=وللشك في وجـه الحقيقـه مـواري


.

.

ارحب يابو نايف الله يحييك في منتداك


بدايه قويه وحضور مميز كلمات ولا اروع


لله درك يامبدع


سعدنا بتواجدك

ودي واحترامي

صح لسانك يالرويلي

وسعدنا بتواجدك بيننا لاهنت


تحياتي لك

صارم عتيبه

المهلي مايولي يالوافي

شكراً لسمو حرفك وحفاوة ترحيبك

ودي وتقديري

عايض جزاء

تسلم على الاشادة

من طيب ذاتك يالغالي

تحياتي