26-Aug-2005, 11:42 PM
السلام عليكم ورحمة الله وبركاته
قصيدة اتمنى ان تعجبكم
.
.
يالله ياللي تسوق المزن ياللوالي =
ياعالمٍ بالسماء واللي جرا فيها
يالواحد اللي يبدل كل الاحوالي=
يا خالق النفس ياعالم خوافيها
انك من الغرب تنشي مزن وخيالي =
ولنجد بأمرك يارب البيت تجريها
مع أول الوسم مزنٍ كنه جبالي =
خيّل على نجد قاصيها ودانيها
البرق يبرق وخير المزن همّالي =
والأودية جتك فايضةٍ عواليها
جا يدحم سيلها من الجال للجالي=
أمطار رحمة وبينةٍ مواريها
والعشب الأخضر بدا من كل الأشكالي =
والباذر أنبت وجه الأرض غاطيها
والطير لامن سمعته غرّد يلالي =
تطرب له النفس ولحونه تسليها
وشوف الحيا والأباعر يشرح البالي =
ذودٍ مغاتير والفكسار قافيها
وخوة نشاماً ضرو قطع الخلا الخالي =
هي سلعةٍ بين بايعها وشاريها
جهمة عقب مانصلي الصبح طوالي =
قدم العصافير تظهر من مرابيها
العزبة محملة والجيب شغالي =
والجيب الاخر نحمل فيه باقيها
ثم انتهضنا وأخذنا الخط طوالي=
نمشي معه لين ديرتنا نعديها
ثم انهزع بر مثل مسابق الرالي=
وقصايد (شقير) فالكنود نغنيها
ونجي لنا عبلةٍ خضرٍ تحلوالي=
ربلة و رقروق والنوار ماليها
وننزل بها في محلٍ مرتفع عالي =
وننفض تيازير خيمتنا ونبنيها
والنار يشعم حطبها معرّب الخالي =
وله المعاميل والرسلان ندنيها
ويسوي الكيف مرٍ كايفٍ حالي =
بريةٍ من ثلاث أصناف ناقيها
لامن تقهويت منها بس فنجالي =
تقعد لك الراس ما مل متقهويها
وسولفٍ وافيات قصار وطوالي=
تقال لامن حصل شيٍ يطريها
وأن مرنا بالنهار طيورٍ أجوالي =
نظهر لها الشوزن ونلحق ونرميها
تيسٍ معلق وصيدة طيب الفالي =
أنعام ما بين طابخها وشاويها
هذي ترى دعوتي يالله ياللوالي =
دعوة فقيرٍ رفع كفه لمحييها
قصيدة اتمنى ان تعجبكم
.
.
يالله ياللي تسوق المزن ياللوالي =
ياعالمٍ بالسماء واللي جرا فيها
يالواحد اللي يبدل كل الاحوالي=
يا خالق النفس ياعالم خوافيها
انك من الغرب تنشي مزن وخيالي =
ولنجد بأمرك يارب البيت تجريها
مع أول الوسم مزنٍ كنه جبالي =
خيّل على نجد قاصيها ودانيها
البرق يبرق وخير المزن همّالي =
والأودية جتك فايضةٍ عواليها
جا يدحم سيلها من الجال للجالي=
أمطار رحمة وبينةٍ مواريها
والعشب الأخضر بدا من كل الأشكالي =
والباذر أنبت وجه الأرض غاطيها
والطير لامن سمعته غرّد يلالي =
تطرب له النفس ولحونه تسليها
وشوف الحيا والأباعر يشرح البالي =
ذودٍ مغاتير والفكسار قافيها
وخوة نشاماً ضرو قطع الخلا الخالي =
هي سلعةٍ بين بايعها وشاريها
جهمة عقب مانصلي الصبح طوالي =
قدم العصافير تظهر من مرابيها
العزبة محملة والجيب شغالي =
والجيب الاخر نحمل فيه باقيها
ثم انتهضنا وأخذنا الخط طوالي=
نمشي معه لين ديرتنا نعديها
ثم انهزع بر مثل مسابق الرالي=
وقصايد (شقير) فالكنود نغنيها
ونجي لنا عبلةٍ خضرٍ تحلوالي=
ربلة و رقروق والنوار ماليها
وننزل بها في محلٍ مرتفع عالي =
وننفض تيازير خيمتنا ونبنيها
والنار يشعم حطبها معرّب الخالي =
وله المعاميل والرسلان ندنيها
ويسوي الكيف مرٍ كايفٍ حالي =
بريةٍ من ثلاث أصناف ناقيها
لامن تقهويت منها بس فنجالي =
تقعد لك الراس ما مل متقهويها
وسولفٍ وافيات قصار وطوالي=
تقال لامن حصل شيٍ يطريها
وأن مرنا بالنهار طيورٍ أجوالي =
نظهر لها الشوزن ونلحق ونرميها
تيسٍ معلق وصيدة طيب الفالي =
أنعام ما بين طابخها وشاويها
هذي ترى دعوتي يالله ياللوالي =
دعوة فقيرٍ رفع كفه لمحييها
