العازمي . وقِصة الشهرة .
قادح شرار25-Feb-2008, 11:59 PM
سـلام رديـة وفـاء ومحمّله برق ورعـد === والعازمي بمزح عليه شوي وابلعب معه
يالعازمي قال العرب غديت تـاجر فالبـلد === خايف عليك عيـون النـاس تِدخلك فالمعمعه
عيد العازمي26-Feb-2008, 12:14 AM
يامرحبا ك ياهلا والليل ياليل السعد = اللي سواتك بالمعاني ياعميلي نشبعه
العازمي ماهوب غادي جعل حظك مارقد = نارن تلظّي والشرار ايطير من راس اصبعه
معجب العتيبي26-Feb-2008, 12:21 AM
الله يستر من الشرار
الليل الليل ومتابع للفجر
عيد العازمي26-Feb-2008, 12:38 AM
ابو سلطان لاهنت على التواجد
اخوى قادح شرار نكمل لاحقا عندى دوام بدرى
تصبحون على خير
قادح شرار26-Feb-2008, 12:48 AM
إلك البقا يالعازمي وأصبر على درب الجهد === نشعبك لين تروق ما تقرب حدود المزرعه
خابر علوم العازمي إن قام حضه وإن قعد === وأم الشحم لن ذاقها يبطي ما ذاق المرضعه
قادح شرار26-Feb-2008, 12:49 AM
بالتوفيق يالعازمي الله معك .
أخوك/قادح شرار.
زحزيح26-Feb-2008, 04:13 AM
اللـه لا يهينكـم جميـع
واصلـو ومتابعيـن
عيد العازمي26-Feb-2008, 08:52 PM
ان كان همّك مزرعتكم دونها خلك ولد = كوَّع على مركاك واشرب من بريق ابو 4
ناقد توفى ياجماعه قادح اظن انولد = والفرق مابه فرق نفس العقل مخلوقن معه
اخونا قادح شرار كان اسمه ناقد على الشعر الهابط
قادح شرار26-Feb-2008, 09:41 PM
هاك الزمن من دونها وكلتلي عبدالصمد === وأثره يحوس المزرعة وداخل ٍ في مطمعه :D
قادح لفاكم يالعتيبي كيف تبغى ينفقد === مير أصبروا يالربع وعشاكم عنـدي بأسنـعه
عيد العازمي26-Feb-2008, 10:36 PM
خل العلوم الاوله مادام ماعندك سند = الا ليا عدّيت باسمك فالطويل وترفعه
المعذره ياقادح الشاعر لقيتك ماش احد = مادام لاهب الهوى حرّك سلوك المطبعه
عبدالعزيز نايف الدلبحي26-Feb-2008, 10:49 PM
صحت السنتكم طاروق يطرب
واصلوا
قادح شرار26-Feb-2008, 10:51 PM
العلم غانم مير لن سيّلت دمك ماجمد === لو أسوقلك جمر ٍ أحمر يا عميــلي تبــلعه
أليا حسبنا العلم يا عاقل نوفّي فالعدد === والعازمي صارت علومه جربعه في جربعه
قادح شرار26-Feb-2008, 11:00 PM
معجب العتيبي: متابعتك للصفحة تكفي يالغالي.
زحزيح : عسى ما تهون يالذيب .
عبدالعزيز الدلبحي: صح بدنك والطرب بشوفتك بالصفحة .
مشكورين على المرور يالغالين.
أخوكم/قادح شرار.
عيد العازمي26-Feb-2008, 11:04 PM
كسرت عظمك مع بيوتك والنهايه للاسد = من هيبته كل الارانب فالشعيب مخرّعه
انته كماله للعدد؟ صاحبك للمبنى عمد = اطرح عدد واضرب عدد والا عساك اتجمعه
عيد العازمي26-Feb-2008, 11:11 PM
زحزيح : عسى ما تهون يالذيب .
عبدالعزيز الدلبحي: صح بدنك والطرب بشوفتك
قادح شرار صح السانك شاعر هجومي مبدع
قادح شرار26-Feb-2008, 11:24 PM
يبغى يفارق ماقفي وأشوفه هالحِيـن أبتعد === واللي يبى الفرقا سواته يا عسى الله يقلعه
العازمي شاف المطر في ديرتي عوّد شرد === ياليت فرصة ثانية تجي ونـكشف بـرقعـه :D
أخوي العازمي تشرفت وتنومست باللعب معك .
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
