أخبرنا باجمل بيت شعر مر عليك

السلام عليكم ورحمة الله وبركاته

كيف حالك ياعيال عمي وربعنه من القبايل الثانيه


المووضوع ومافيه ان تكتب اجمل بيت شعر مر عليك او أقرب بيت شعر لقلبك بيت, بيتين, ثلاثه, قصيده كامله, انت ومدت يدك :D

المشاركه ليست حصرا على احد المشاركه للكل

الفكره منقوله على فكره عجبتني وقلت اجيبها لكم



انا بالنسبه لي البيتين الي تحت قريبن مني :cool:


ماننقسم والليالي ماتنسينه /// حنا قبيله شواربنا من لحانا
تاريخنا وسم والطاله بسامينا ///وافعالنا سجتن في وجه دنيا


وشكرا على حسن استماعكم :)

يامحيسن اللي مهيضك ويش=وش هيضك بالهوابيلي

بطنك تسبير من أكل العيش=ومزيد(ن) لك مواتسيلي

الويل والله على الدويش=ماشيف من عقب ماشيلي

يبتسن عقبه بنات قريش=ومطير عقبه مغاليلي

اكبر قهر لاضاع عمرك ورى انسان..........تبي غلاة وهو يبي شخص ثاني
مع تحيات عبداللة هلال الروقي ابو عناد

اجمل بيت شعر سلمك الله هو


لبديوي الوقداني ودائماً اردده

دلـلـت بـالـروح لـيـن ارخـصــت جانـبـهـا***وان عتـيـبـي عـريــب الـجــد والـخـالـي


قــوم تــدوس الافـاعـي مـــع عقـاربـهـا***ولـهـا عـزايـم تـهــد الـشـامـخ الـعـالـي

افضل بيت بالنسبه لي موجود في توقيعي ومشكوورين

اجمل بيت شعر


لا خاب ظنك في الرفيق الموالي


مالك مشاريه على باقي الناس


لعل قصرن ما يجي له ظلالي


ينهد من عالي مبانيه للساس




الامير الشاعر/ محمد السديري

افضل بيت مر علي

طبعا للسديري

يمنا بلايسرى تراها ضعيفه

ورجلن بلا ربع على الغبن صبار

يمناي تنفق ما ملكته من هبال

هبال طيب ولا صحاوه رخامه

بصراحه بيت الملك فيصل رحمه الله ..

اللي شاله في شاعر المليون ابو محيا..


ترا بعض العرب فعله بروحه مثل فعل سراج..يضوي لعرب والنار في جوف المسيكيني.

ماني و انا بندر بهيسن ولد هيس هيس يدنع عند حرمة قصيره

ليا بغيت اجلس ترا لي مجاليس و ليا بغيت انهج دروبي عسيره







عبد العزيز النفيعي

مانيب منهو باع دينه بدنياه............الرب واحد له تصير الأمورِِِ
الي سويته للمشاركة عسى ان يكون لي ولكم منه خيرا.

اما انا ازين بيت مر علي الي كان يردده الملك عبد العزيز

وهو لتركي بن حميد:

من لا خذا الدنيا بميز وتقييس :::مثل الذي في وسط بحر يعومي

يعطيك العافيه أخوي فواز على الفكره

........................................
البــــــــارح الدنيا عليه فضاهــــا>>> أضوق من الإبره على ناضم السلك

ماأشـره على اللي خذلني دون تفكير= إلا علـى اللي فعولـه ربع قـولـه
ولا أزعل لو أعدايه رجالِ مناعير= المشكلة أعداي ناقصها رجولـه
وأحبابي الصدق والما والعصافيـر=والناس والشعر وأيام الطفولـه
الشاعر... بندر بن محيا العتيبي

ولو انا اذا متنا تركنا
لكان الموت غايه كل حي
ولكنا اذا متنا بعثنا
ونسئل بعدها عن كل شي

هذا بيت مميز بس أكيد فيه الأجمل منه

خايـف إنّــك تستـلـذ البـعـد وأشــوف الكـلايـف
وانـت تـدري بالجفـا مكـروه وطعونـه عظيـمـه

يعطيك العافيه أخوي

تقبل مروري

اجمل بيت عندي في هذه الحظة هو للشيخ تركي بن حميد رحمة الله

نومك طرب وانا بنومي هوجيس

ما ساهرك بالليل كثر الهمومي

ودنا بالطيب مير الدهر جحاد طيب
كل مامديت يمناك للناس تحسبك تغشها
ابو هلال

والله وانا اخوك البيوت ازينه واجد لاكن البيت الي اردده دايم هو


لحبيب العازمي في قصيده طويله له والبيت يقول

الي يطمن هامه الراس ما عاش ....... ون عاش حبرن فوق قرطاس ماحي


وايضا بيتين سمعتها بشاعر المليون لشاعر خليل الشبرمي والي يقول

ليت فرخ الحمام عصير ما عاد يسجع .... نقض جروح قلبي والعناء والمواجع

واه ياحسرتي ياليت ما فات يرجع .... بس ماهوب راجع بس ماهوب راجع

لاجيتها بردان والحال مكسور
فلت جدايل شعرها والحفتني

الشاعر حمدان العبادي ابو نار.

دنيا تقلب كل يومً على حال=أزريت أميز وجهها من قفاها


وهاذي لمحمد السديري



لولا الهرم والفقر والثالث المـوت=يا الآدمي بالكون يا عظم شانـك
سخرت ذرات الهوى تنقل الصوت=وخليتها اطوع من تحرك بنانـك
جماد تكلمها وهي وسـط تابـوت=تاخذ وتعطي ما صدر من بيانـك
وعزمت من فوق القمر تبني بيوت=من يقهرك لو هو طويل ٍ زمانـك
لولا الثلاث وشان من قدّر القوت=نفذت كـل اللـي يقولـه لسانـك

الشاعر عبدالرحمن بن ابديع انا اشهدنج عايشه في ضليمه يالحيتن منتي على وجه رجال

اجمل بيت اعجبني ولكن ما اذكر منهو له



لو كل رجالٍ يعوض برجال = ماكان سموا من توفى فقيده

ياشينها لاصرت تغلي لك انسان..!
ان جاك غالي وان تغيب ذكرته..
وياشينها لاصرت ماتلمح الوان..
الا الظلام اليا رقيت وحدرته..
وياشينها لاطاح من عيني انسان..!
لو حطني فوق النجوم احتقرته..

اجمل بيت مر علي هو بيت لشاعر حامد زيد
تــــــرا حــــلاتـــك لاحمــــلت لصــــاحبــك كملـــت عتــــاب
أن مــــانطقـــت ابـــها بــوجــه مــاتذمــه بــــظهـــر

اجمل ما مر علي من ابيات ودااااااااا يم ارددها في كل وقت لشاعر العملاق عبدالله بن عون

لا يابعد ناسن تكبر على ويش=لا جاها الناصي تلوي خششها
حتيش لو عنده ملايين حتيش=در الحماره دوب يكفي جحشها
وروس الضبى ما ذكر فيه عراميش=لو هي على الزينه كبارن خششها

لوهي على الزينه كباااااااااااارن شوشها

الاخ ..فهد النفيعي..
البيت الذي ذكرت وتقول انه احسن بيت مر عليك ليس للشاعر السديري.. بل للشاعر .. عبدالله بن سجوان الرويس.. وهو من ابيات مشهوره يقول فيها مخاطبا الشيخ حسين بن جامع..

ياحسين خدان الجماعه مريفه=وانا مع الاجناب كني على نار
الطير بالجنحان ماحسن رفيفه=واليا انكسر حدا الجناحين ما طار
ويمنا بلا يسرى تراها ضعيفه=ورجل بلا ربع على الغبن صبار

السلام عليكم ورحمة الله وبركاته
قلت احاول اني انساك وتعبت والصحيح اني تعبت ولا نسيت



قلت احبك واثر في حبك نشبت وش اسوي دامني فيك ابتليت

لا صار مالي عند الاجواد قيمه &&& كفيت رجلي عن مراح للاجواد

موضوع اكثر من رائع


الدين والدنياا تراها وداعه %%% حافظ على دينك تخاويك دنياك

مايستشك ياحسين كود الرديين=والاترى الطيب وسيع بطانه

موضوع جميل