هذه المرثية في المرحوم /محمد بن عبدالله بن الحميرون العريدي

بسم الله الرحمن الرحيم
هذه المرثية في المرحوم /محمد بن عبدالله بن الحميرون العريدي

واقلبي اللي بين الاضلاع مــاسوم *** مــــن كـثـر ماتـصفق يـــميــنه شمالــه
وسمن يبى يبقى الـــيا دايم الـــدوم *** عـــلى الكريــم اللي تقـــافـــت رحـالــه
مرحوم ياراع المـــغاتيــر مرحـــــوم *** منصى الرجال هــل الشـــرف وشكالـه
موتـــك حرام انه حرمني عن النوم *** النـــوم عـــنــي يــوم شــالـوك شــالــه
النــــاس ترقد يامحــمد وانا احـــوم *** مانيب عــقبــك يافــتــى الجـــود دالــــه
دمعي على فرقــــاك ياذابح الكـــوم *** مــثل الغــشــين اللــي ثقيلــن خــــيالــه
راحــــتبك الدنيا وانا فيـــك ملـــزوم *** ياصعب فرقى الــلــي كرامن سـبــالـــه
ياكــثر ماعقبــك من الناس مهـموم *** اي والله انــه صـدق مــاهي ظــــــلالــه
عساك في الجنة مع الــحورمخدوم *** في ضــل مــن كــل البــشر في ضلالــه
وعساك في الجنة معزز ومحشـوم *** مــــع زمــرت الابــــرار بــعــــز حــالــه
ويجبر عزانا فارض الحج والصوم *** ويبـــقــى لـــنا رب الخـلايــق عــيـــالـه


الشاعر /عبدالله نقاء العريدي

مشكووووووووووووور يالغالي وصح السانك ولسان قايلها

صح لسانك ياغازي ..
والله يرحم محمد العريدي بواسع رحمته ..
ولاهنت يالغالي ..
...

شكرا لنقلك القصيده لنا
وصح لسان الشاعر/ عبدالله بن نقاء العريدي

رحمه الله...


وصح لسان صاحب القصيدة....


ولاهنت على النقل...