الاصعر = العود في عين الحسود ...........
علي فلاح العضياني11-Jan-2009, 10:08 PM
سلام تسليم يصرف مثل صرف النقود= العمله اللي يباع بها ويشرابها
يالله عسى العود يدخل في عيون الحسود=ابيوت الارزاق ودّه يقفل أبوابها
عبدالمجيد الثعلي11-Jan-2009, 10:21 PM
الله الله
ياعلي فلاح العضياني
صح لسانك
مبدأ مامثله
مبدع دايم يا ابوفلاح
وننتظر الاصعر ليكتمل الابدع
وصح لسانه مقدما
عبدالله الاصعر11-Jan-2009, 10:22 PM
يامرحبا رحب وافي ياعريب الجدود=ترحيبتن مثل ضاح النور يسرابها
عسا الردي ياوسيع المعرفه مايزود=ابواب الارزاق قلي ويش يبغابها
فايز بن سرحان الثبيتي11-Jan-2009, 10:24 PM
يالله عسى العود يدخل في عيون الحسود
ابيـوت الارزاق ودّه يقفـل أبوابـهـا
ابداع
عسا الردي ياوسيع المعرفه مايزود
ابيوت الارزاق قلي ويش يبغابهـا
ابداع
صحت السنتكم وقلوبكم
متابع
زياد المزرمي11-Jan-2009, 10:24 PM
علي فلاح
يا سلام يا سلام
مبدا كايف يا بعدي
الاصعر
صح السانك
على الرد الوافي يالجزل
متابعيين
عبدالله الاصعر11-Jan-2009, 10:26 PM
ذيب المساري
صح بدنك يا الغالي
مرحبا يا الله حيه
شرفتنا بمرورك وتواجدك الكريم
الابداع تواجد معنا يا الغالي
للجميع تحياتي
عبدالله الاصعر11-Jan-2009, 10:29 PM
ابن سرحان الثبيتي
زياد الشطيطي
مرحبا حياكم الله
صحت ابدانكم جميعا
شرفتونا با الحضور والتواجد الكريم
للجميع تحياتي
علي فلاح العضياني11-Jan-2009, 10:33 PM
من لا بذل في مجال الطيب كلّ الجهود=كلمة ( ونعم الشوارب ) مات ما جابها
المشكله من سعد و المشكله من سعود=علومهم يعلم الله ما رضينابها
عبد العزيز العضيــاني11-Jan-2009, 10:35 PM
ياسلام ياسلام
علي كالعادهـ
مبدع دائماّ
الاصعر
صح لسانك ورد كاااااااااايف
متااااااااااااااااااااااااااااااابع
فايز بن سرحان الثبيتي11-Jan-2009, 10:37 PM
المشكله من سعد و المشكله من سعود
علومهـم يعلـم الله مـا رضينابهـا
ياوجه الله
عبدالله الاصعر11-Jan-2009, 11:03 PM
ماهوب والله بجايبها ضعيف الزنود=بعض العرب ياعسا الله يقطع انسابها
ان كان غير المشاكل مايجيبون فود= الله لايكرم لحى الانذال واشنابها
علي فلاح العضياني11-Jan-2009, 11:23 PM
من ماضي الوقت بيت البخل ما فيه جود=يا خوي بعض العرب لا تحسب حسابها
بالله يا ربعنا لا تشقحون الحدود=كل المشاكل ترانا نعرف اسبابها
عبدالله الاصعر11-Jan-2009, 11:46 PM
ياليت بيت البخل مايرتفع له عمود=وضعوف الانفس عسا المولى مايبلابها
الحسد مايوجد الا فالعدو اللدود=وليا تعشابك اصحابك تغدابها
عبدالله الجـــذع12-Jan-2009, 03:11 PM
ابو فلاح Vs الاصعر
طاروق جميل ونقاش اجمل
الف شكر
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
