القلب دله من غلا

السلام عليكم ورحمة الله وبركاته

:
؛

مساكم شعر

قصيدة رائعة أعجبتني

للشاعر / خالد المقاطي

اتمنى يعجبكم إختياري

/
؛




القلب دله من غلا .. وظلوع صدري من جمـر
وطيفك قدوعـي والله يبـارك بهالجمـع الغفيـر
اتقول إلى كيف الشعر .. مشتاق تسمعلي شعـر
بصب إلك فنجال لين النوم مـن راسـك يطيـر
لاتقول بس : اشرب ودقق في شطر واحفظ شطر
واحد واثنين وثلاثه .. واحفـظ البيـت الاخيـر
شفت الغلا عقب البطا .. وشلـون يثـر بالبشـر
هذا غيابي عنك .. بينلي عـن اللـي بالضميـر
ماغبت عنك من زعـل ياغايتـي بالمختصـر ؟
قصدي تغلي هل انـا اعنيلـك الشـي الكثيـر ؟
ماغاب من ذكر مع العالم ( بمـا قالـو حظـر )
وانته تجيني واكثر اوقاتك مـع الثلـث الاخيـر
طلت جبينك وحدها .. غطت على ظـي القمـر
حتى جديلك غار مـن ملمسـه ديبـاج الحريـر
ابيك تبكي ليـن دمعـك مـن عيونـك ينهمـر ؟
والله ... ؟ ما امسح دموعك لو على قطع المسير
لآن دمعك من مياه النيـل ... وخـدودك مصـر
خليت نهرك لجل يغسل كـل سحـراك الهجيـر
عشان اجيلك وانتزع من غرس محصولك ثمـر
ثمره غلا واشواق تحكيلك .. عن العـذر الكبيـر
قد قالو البـدوان فـي ماضـي سنـاواتً غبـر
من لايقدم عـذر عـن غيبتـه .. يذبحلـه بعيـر
صحيح غبنا عنك والخاطر ( بغيبـاي ) انكسـر
لاكـن وربـي ياغلايـه مالـك بقلبـي خشيـر
ابك انت حتى في صلاتي تقطـع احبـال الفكـر
وانا اتبسـم عقبـه استغفـر مـن الله واستخيـر
اتجاهلـك فـي جيتـك ثـم اتبـاهـا بالكـبـر
ماتدري اني تحت رحمه حدت الرمش الشطيـر
بالمختصر يعنـي انـا مالـي مطيـر ولا مفـر
واذا عكست الشطر يعنـي لا مفـر ولا مطيـر



:

دمتم بود

قد قالو البـدوان فـي ماضـي سنـاواتً غبـر=من لايقدم عـذر عـن غيبتـه .. يذبحلـه بعيـر صح لسان الشاعر خالد المقاطي
ولاهنت ياسطام الرويس

لا هنت يابو نواف

على مرورك الي يشرفني

صح لسان الشاعر خالد المقاطي

ولا هنت الرويس

علي القيده الفذه وذوقك رايع

تحياتي لك

صح لسانك
وبيّض الله وجهك على هالقصيده


اخوك = فهد الجبري