الاصعر مدهر 24 ساعه
علي فلاح العضياني28-Apr-2009, 09:34 PM
مرحبا بالشاعر اللي مدّهر يومه و ليله = وازعج المتواجدون بمنتدى الهيلا عتيبه
واكثر العالم مايدريبه هو من أيّا قبيله = اسمه الاصعر غريب ويكتب الفاظٍ غريبه
علي الثبيتي28-Apr-2009, 09:40 PM
سلام عليكم
وازعج المتواجدون بمنتدى الهيلا عتيبه ههههههههههه
كل شي الا الازعاج
وعبد الله مايسويها لاتضلمه يالفالح
صحت السنتكم
نايف بن ملحق الثعلي28-Apr-2009, 09:43 PM
ابو فلاح صح لسانك
وعلاك بالاصعر تراه مايرحم
عبدالعزيز بن جودان الرويس28-Apr-2009, 09:58 PM
الله الله
انا في صف الاصعر ولوني مدري هو من ايات القبايل
لكن انا في صفه
وسلمت يابو فلاح
عبدالله الاصعر28-Apr-2009, 10:04 PM
البقا بالشاعر فاللزوم ايشد حيله=مار قدمي مايودي فالخبر ولا يجيبه
اكثر العالم مايدل الدروب ولا دليله=ماتعرف اني عتيبي فاللوازم تعتزيبه
عبدالله الاصعر28-Apr-2009, 10:08 PM
نايف صح بدنك
يالغالي
لك تحياتي
عبدالله الاصعر28-Apr-2009, 10:11 PM
تسلم والله يابن جودان
لكن ياعنك ماتدري
تبا تدري ان الله اشاء
بس خلنا ننتهي من علي فلاح
وشكرأ
علي فلاح العضياني28-Apr-2009, 10:24 PM
صفقة اخدودك وفرك الخشم في حقك قليله = انت ياللي كل ماتسرح تضويلك مصيبه
معنى الاصعر يعني ان الراس عندك فيه ميله = صرت مثل اللي يشيل الداب الاسود وسط جيبه
عبدالله الاصعر28-Apr-2009, 10:25 PM
النشمي
صح بدنك
والفالح يقول مزعج
وهوه اللي ازعج الناس واذاها
عبدالله الاصعر28-Apr-2009, 10:38 PM
تحسبنك تفرك خشوم العرب باهون وسيله=ياعلي والله عليك السالفه هاذي صعيبه
راس الاصعر مايميل ولاحد(ن)يقدريشيله=في محله وانت نضراتك ورى صارت قريبه
عبدالمجيد الثعلي28-Apr-2009, 10:48 PM
هههههههههههههههههههههه
هكذا المحاورات وإلا فلا
علي فلاح
الأصعر
صحت ألسنتكم
واصلوا وزيدوا النار حطب ههههههههه
عبدالله الاصعر28-Apr-2009, 10:53 PM
صح بدنك
ياعبدالمجيد
انت والله اللي تبا من يململك فالنار
ههههههههههههه
لك التحيه
علي فلاح العضياني28-Apr-2009, 11:06 PM
وانت ياللي تحسب انك شاعرٍ(ن) مافيك حيله = مالك مع الناس فعل ولالك مع الناس هيبه
كن راسك مثل راس كليب معشوق الجليله!!! = مانعد إنّه فقيده لو ركزناله نصيبه
عبدالله الاصعر28-Apr-2009, 11:21 PM
انت طيب مار لاناش الزندخشم الفتيله=مالقينا فعلك اللي ياعميلي تستنيبه
كيف ياجحدر تبا تضحك بخيال الكحيله=وانت مونسها منه بين الثنادي والتريبه
المكافح29-Apr-2009, 01:26 AM
وازعج المتواجدين هذا هو الصحيح لغويا يااخ علي مع احترامي الشديد لك وصح لسانك على جزالة الالفاظ مبنى ومعنى وانا لست ناقدا وانما بحكم الخبره وبدون زعل بارك الله فيك
مشــ الـــعضيانــي ـعل29-Apr-2009, 12:37 PM
السلام عليكم ورحمة الله وبركاته
حيك الله يبن عاااااااااااااااااااااضي عند الهيلا وعند ولد عمك
يالله حيه تقبلوا خالص تحياتي
أخوكم مشعــ العضياني ــل
جمال العضياني29-Apr-2009, 12:41 PM
شكرا للشاعرين على فلاح وعبدالله الاصعر
امتعتونا بهالابداع
بدر الكريزي29-Apr-2009, 01:41 PM
الله الله
الفالح و الأصعر ..
صحت السنتكم ..
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
