حنا ضرينا بالشبب واللي يبا نار وشبب = ياقف على ساق وقدم والعرف لاهل المعرفه !!

الليله الليله نبا نلعب على عز وطرب = وليا انتها الطاروق ياليت الاداره تحذفه

حنا ضرينا بالشبب واللي يبا نار وشبب = ياقف على ساق وقدم والعرف لاهل المعرفه

الليله الليله يبين الراس ويبين الذنب = وتبا تبيح سدود بعض العالم المتعجرفه

ياللي ضريتوا بالشبب هذا ترى سلم العرب = مير استريحوا يامطير اهل الهروج المكلفه !!

اللي علانا يرفع خشيمه ويفتل بالشنب = نفرك خشميه والشنب من غير نشده ننتفه

مالبسك ثوب الستر الا حصى مهد الذهب = الضلع يصدر له ذهب والبنك زايد مصرفه

الله الله


صحت الالسن والقلووب


متابع

حاكم الغنامي

صح بدنك يالغالي

ومشكوور على المرور

الاتصال مش ولا بد يفصل ويرجع لكن العذر منك لو تأخرت



انا هنا نايب عن لسان البلاغه والادب = لكن ّ كيف افهّم العالم وهي متخلفه

ماعاد في مهد الذهب ياصاحبي كيلو ذهب = ماباقي ٍ غير النحاس اللي ربوعك تصرفه

حاكم

ياهلا ومرحبا وصح بدنك

تقديري

اخوي زياد

حقيقه الاتصال مايجمّل مره لكن الوعد الليله يالذيب

تمسى على خير

مالبسك ثوب الستر الا حصى مهد الذهب
الضلع يصدر له ذهب والبنك زايد مصرفه

نعم نعم يازياد كلاااااااااااام عليه الكلام

صح لسانك


ماعاد في مهد الذهب ياصاحبي كيلو ذهب
ماباقي ٍ غير النحاس اللي ربوعك تصرفه



الله الله الله


هذي والله القاضيه

ياعقااااااااااااااااااب

لله درك لله درك

ماني بخابر في شمال المملكه ذيبٍ قنب = الا حصيني ٍ عرضلي يا جماعه بطرفه

يا عقاب ما والله تشوف وعينك بليا هدب = النيل ما ينقص لو انك طول عمرك تغرفه

هلا بك يا عقاب

ان كنت متواجد ابشر يالغالي

ابن سرحان

صح بدنك يالغالي

ومرورك يشررفنا

سموني اهل العرف قبل اعرفك ( بالرقم الصعب ) = ماني حصيني وابن وايل بالمواقف تعرفه

دام المحيط الاطلسي موجود يالنيل العذب = وجه التقارن بينهم يازياد ماهي منصفه

ابن سرحان الثبيتي

صح بدنك واشادتك وسام على صدري لاسيما من شاعر بحجمك

تقديري

..

الله الله




طاروق منتاز جدا جدا



وشعراء منتازين




صح ألسنتكم متابع...

ماني بخابر في شمال المملكه ذيبٍ قنـب
الا حصيني ٍ عرضلي يا جماعه بطرفـه
يا عقاب ما والله تشوف وعينك بليا هدب
النيل ما ينقص لو انك طول عمرك تغرفه


زياااد الشطيطي

صح لسااانك راائع بلا شك.


سموني اهل العرف قبل اعرفك ( بالرقم الصعب )
ماني حصيني وابـن وايـل بالمواقـف تعرفـه
دام المحيط الاطلسـي موجـود يالنيـل العـذب
وجه التقـارن بينهـم يازيـاد ماهـي منصفـه



عقاااب العنزي


صح لسااانك مبدع

يا سلام يا سلام

طاروق رائع

وصحة ألسنتكم

شعار مبدعين

ومتابع ..

حنا مطوعة الصعب من باب باس وبالغصب = خصيمنا ماله سوا دمع المحاجر يذرفه

ترا المحيط الاطلسي مالح ولا هو منشرب = الخير بالنيل العذب ما دوّجت به سلحفه

محمد النخيش

صح بدنك يالغالي

ومشكور على المرور العطر

سعود العصيمي

صح بدنك يالغالي

والرائع مرورك الكريم

بيض الله وجيهكم

شعار ولا فيكم حيلة

فالكم البيرق

عبد الله الدغيلبي


صح بدنك يالغالي


والرائع مرورك العطر

الله الله الله



صح لسانك يا زياد

و صح لسانك يا عقاب


شعراء مبدعين بكل صراحه


تحياتي

العتيبي ابا الغيث

صح بدنك يالغالي

منورنا بمرورك العطر

والله ونعم ٍ مير لاجوكم هلا السيف الحدب = فيه الذي شاف هدفه فيه الذي ضاع هدفه ؟

مدري تحبون الحجف ولاتحبون الرطب = يااصحابنا ياللي ورا مهد الذهب متجردفه

محمد النخيش

صح بدنك وياهلا

..

سعود العصيمي

صح بدنك والابداع انت منهله

..

عبدالله الدغيلبي

صح بدنك وشرفتنا

..

ابو غيث

وجهك ابيض وفالك المليون

..

علي العضياني

صح بدنك وشهادتك وسام من شاعر بحجمك

..

صح اللسانك يا عقاب

وما علاكم زود

نترك مع اللي طلبك:)

صح بدنك وياهلا ومرحبا يازياد وتشرفت باللعب معك

تقديري

كلام جميل

صحة السنتكم

مبدعين اثنينكم