كريّم العنزي ...... فارس الهاجري

السلام عليكم ورحمة الله وبركاته


محاورتين جرت بين الشاعرين كريم العنزي وفارس الهاجري في برنامج قلطة الوطن اتمنى تحوز على

اعجابكم ..

فارس الهاجري


مرحبا عند الشيوخ اللي لها قدر وحشيمه = الشيوخ اللي جميع الشعب ماترضى بدلها

لي صحيب ٍ ياجماعه صحبته ماهي قديمه = جمّعونا يالله انك تجزي الناس بعملها


كريم العنزي


البقا بك من رجاجيل نواياهم سليمه = والحمول اللي تهم الناس ماجود ٍ جملها

صاحبك توّه مسيّر والرسن في راس ريمه = وانت سولف والعلوم اللي على خاطرك قلها


فارس الهاجري


بنت ابو زيد الهلالي يذكرون إنها يتيمه = وانت لاتفرح ليا من وقفت لك من خجلها

لو نسولف لك بعلم ٍ ضقت يامال الغنيمه = يزعلون الناس وانت الناس ماتقوى زعلها


كريم العنزي


بنت ابو زيد الهلالي ماتبا ناس ٍ غشيمه = والغشامه عند اهلها والمعرفه عند اهلها

الرجال الحاضره تفرق خصيم ٍ من خصيمه = لاتمرك ياطويل العمر وتروّح قبلها


فارس الهاجري


ياكرّيم ياعميلي جعل ستر الله يديمه = لو تميل المايله عوّد كرّيم ماعدلها

الله انك تلعن الشيطان ابو عين ٍ كريمه = كل ماجهز كرّيم لقمته سبّق واكلها


كريم العنزي


صاحبي فارس سمع والعلم وقّع في صميمه = والسنون اليا دخلها السوس يامسرع خللها




الطاروق الثاني




كريّم العنزي



ياسلام الله على شعب الكويـت وحاكمينـه = من هجوس الشاعر اللي من ديار في دياره
البدايه راعي الفكره عسـى تسلـم يمنيـه = شيخ علم وشيخ حلم وراس قوم وبيت اماره



فارس الهاجري



مرحبا بك عند شيخ طول الله في سنينه = شيخنا اللي ياعميلي زود الله في وقاره
كل شي ياعميلي تعرفونـه عارفينـه = وادري ان النار ياكريم بدايتها شـراره



كريّم العنزي



بارك الله فيك والعلم الوفي متقاسمينـه = والليالي القاسيه يوجد بها ربح وخساره
لاتشب النار مابيـن الديتـر والمكينـه = انت يالسواق خلك نبه لاجيت الاشـاره


فارس الهاجري



كان ماتدحم بزندك وانت ظلوعك متينـه = راحت الدنيا عليك ولاكسبت من التجاره
احسب انها نار تالع واثرها برد وسكينه = مايطوفون الاشاره غير اهل كرت الزياره



كرّيم العنزي



لاتسرع بالسوالف كل شي خابرنيـه = يومها قول وفعل ندحم ونحتل الصداره
لاتضايق بارك الله فيك ركاب السفينه = السفينه هددوها بالغرق والانكسـاره

الله الله

عماااالقه


سلمت يمينكـ ياعقاب


لاهنت

لاهنت ياعقاب وبيض الله وجهك على النقل


والشاعر كريم الجعفري العنزي


شاعر عملاق وشاعر نقض وفتل من الدرجه الاولى


لكن الاعلام حتى الان لم يخدمه


هذا الكلام ليس من باب التعصب ومن تابع هذا الشعر سيؤيدني في الراي



تحياتي للجميع

يعطيك الف عافيه ياعقاب وتسلم يمينك

وكريم العنزي شاعر معروف

كد لعب فالكويت ويا بن مشيط في حفلة النومس

وضيّق عليه الوسيعه شاعر فتل ونقض

حاكم الغنامي


الله يسلمك وياهلا ومرحبا


..

راع الجدعا


هلا ومرحبا بالذيب ووجهك ابيض


بالفعل كرّيم ظلم اعلاميا ً وهو من وجهة نظري الشخصيه شاعر عنزه الاول من غير قاصر في بقية

الشعراء


فكما تفضلت شاعر فتل ونقض من الدرجه الاولى وشاعر معنى


تقديري

ذيب عروا


الله يعافيك وياهلا ومرحبا بالذيب


صدقت ياذيب وشريط تلك الحفله سمعته .. ولاخلاف بإنه شاعر معروف لكن الخلاف لم يسلط عليه

الضوء بشكل مستحق


تقديري لك


..