^^ القبيله ليست بـ جمهور ومواقفها أكبر من التصويت ^^

بسم الله الرحمن الرحيم

السلام عليكم ورحمة الله وبركاته

لمحت وجهة نظر متفق عليها من قبل الكثير

وهو إن القبيله بـ مثابة الجمهور جمهور الشاعر قبيلته

كم شاعر قبيلي شارك في البرامج الشعريه التي من آلياتها التصويت

مثال حنا يا عتيبه في أربع سنوات فقط كان هناك مايقل عن ثلاثين شاعر عتيبي

ينتهي شاعر المليون وفيه كم عتيبي يبدأ برنامج آخر وفيه كم عتيبي والمشكله المحبين

لـ هذا من القبيله بعضهم يترجى يقول تكفون ياعتيبه كأنه ينخا على أمر كايد يجب فيه وقفة القبيله

والمشكله إن مثل هؤلا ستواصل مسيرتهم مع البرامج كأن إبن القبيله بـ يقضي عمره وماله لـ التصويت


أخوكم / عبدالمجيد النفيعي

موضوع هرمي بضخامة هرم مصر في مضمونه

لا هنت وبيض الله وجهك

عز الله انك صادق ،،



وهذا ينطبق على سائر قبائل الخليج ،،


لو الامر يستدعي فزعة ،، مثل

رفدة ،، مشعاب ،، دين ،، ظلم عليه ... الخ

يبشر بسعده ،، نقدر ان الله قدرّنا ،،

ومشكلة بعض الشعراء يقحم قبيلتة بالتصويت ،، والمستفيد الوحيد

هالمصرية وربعها ههههههه والله تمصخروا بابناء القبايل


في الحقيقة ،، اعجبني موقف ابناء قبيلة بني هاجر لـ ابنهم الشاعر فالح بن قشعم

حين امتنعوا عن التصويت له ،، واعطوه قيمتها ،، وقالوا : (( ولدنا اولى بدراهمنا ))

عز الله انه صحيح ،،



لكن اغلب العرب تسوقه حميّا الدم


وعلى ماقيل مجبر اخاك لابطر

مرزوق الجعيد

وجهك أبيض وشهادتك لـ الموضوع أعتز فيها

شوق الصعيبه

دائم مشاركاتك تضيف لـ الموضوع ، لاكن بـ خصوص الحميّا صح لاصار مثلاً رجل دفع من الفلوس مبلغ سخي مقابل أن ( دية دم ) <<== ذيك ساعه نقول ماسوا كذا الا من باب حميّا هاذي حميّا ابن العم لـ ابن العم أو مساعدة المسلم لـ أخوه المسلم
أما تصويت هاذي سمجت طيب دفعت مبلغ سخي لـ فلان بقا فلان من عتيبه وبعده بـ فتره بسيطه جا فلان ومعه فلان وكل ذولا من عتيبه حنا كل مابين فتره بسيطه خلال اربع سنوات كل شوي طالع ثلاث اربع شعار عتبان بالقليل تصويت هل يعقل إن فيه عتيبي تفضا لـ ذولا كلهم

،،

أنا عندي توضيح أنا مااحسد شعارنا أو أقول لاتشاركون لا أقول عسالله يوفقكم وإن شالله فالكم التواجد الاعلامي لاكن هاذي النقاط أبيّنها لتا لـ الجمهور هو إن لاصار شاعر عتيبي ماخذا الجائزه أو طلع بت سب تصويت ما لـ قبيلته دخل القبيله مواقفها أكبر من التصويت

كبير ياعبد المجيد .. اسنمر والى والامام ..

الكبير الله سبحانه وتعالى

والله يوفقنا جميع ياسمي أبوي

ومشكور على المرور العطِر طال عمرك

،،

عندي توضيح أنا من خلال هذا الموضوع حبيت أوصل فكره إن القبيله ماهي مكلفه على التصويت

أما اللي دعم أقوله إن شالله دعمك ماراح بـ بلاش وبن عمك يستاهل وشعرائنا جميعهم مجملين

،،

أما بالنسبه لعدد ثلاثين شاعر

شاعر المليون جميع النسخ 15 عتيبي

شاعر المعنى 7 عتبان

قلطة الوطن في النسختين 8 عتبان

جميعهم ثلاثين شاعر

هذا غير شاعر العرب وغيره

بيض الله وجهك ..موضوع مميز وفي الصميم
والتصويت والفزعات في مثل هالامور ما انزل الله بها من سلطان.. وأراها تفشت في هذا الزمان ، زمان الامن والامان والمفروض امراء ووجهاء ورجال القبيلة يترفعون عنها ويصبون اموالهم لصالح الجمعيات الخيرية وبناء المساجد ودعم اخواننا المضطهدين في كل مكان
أشكرك واشكر امثالك من الذين يحرصون دائما على كل مايكون سبباً في منفعة قبيلتهم خاصه والمسليمن عامة .

بيـــــض الله وجهــــــك والله كلام سليم وعين العقل والصواب قلته

عبد المجيد النفيعي بيض الله وجهك وكثر من امثالك
والقبيلة بخير ما دام فيها شرواك انت والاخوان

واعجبتني كلمتك (القبيلة ليست بجمهور ومواقفها اكبر من التصويت)
خاصة الشطر الثاني وللاسف ان القبائل تضع نفسها مواضع السخرية
عندما تنجر لمهاترات نشوى الرويني ومحمد بن زايد وبقية النصابين
والعجيب ان المخيمات والمناسبات تقام على ايدي القبائل والعشائر
لنصرة ابنها الذين سوف ياتيها بالامجاد من شاطئ الراحة ولا اعلم
ان مثل هذا الاستنفار يقام لقضية من القضايا الاخرى المهمة او العادية
ولكن عند الاستخفاف بالعقول وسرقة الاموال تطيش العقول وتذهب الاحلام

كلام صحيح وبارك الله في مواضيعك الطيبه ولاهنت

سعيفان الهيلا

وجهك أبيض ومرورك يضيف لـ الموضوع

،،

لاكن مشائخ قبيلتنا معذورين يواجهون إحراج أحياناً

مثل شاعر معروف ودعاه لـ حفل دعم يستحي أن يرده

وأنا أقول لـ الشاعر إقامة مثل هالحفلات حق مشروع لك

لاكن دعها عامه لـ محبينك لأن القبيله مواقفها أعظم من كذا

ܓܨ عبدالله البرقاويܓܨ

وجهك أبيض وكلامك إضافه لـ الموضوع

ابو ضيف الله

وجهك أبيض وإشادتك شرف لي

اما بالنسبه لـ المخيمات طرحت وجهة نظري في ردي على أخوك سعيفان

أما مواضع السخريه لا إن شالله قبائلنا وشعرائنا أكبر من كذا أما بالنسبه لـ القائمين على البرنامج الله أعلم بـ نواياهم

محمد الحميدي

الله لايهينك ومرورك وإشادتك وسام على صدري