قم يالسعيدي صرّف العلم تصريف
ذياب منير العصيمي25-May-2010, 07:20 PM
مساء الخير يالهذيلي واقلط على سمن وسمين
قم يالسعيدي صرّف العلم تصريف=وخلك معي مادام نادى المنادي
جاك السحاب اللي مزونه مراديف=ولاهل هماله مشى كل وادي
ربح السبيعي25-May-2010, 07:23 PM
ياسلام ياسلام
مبداء متميز
صح لسانك ياذياب العصيمي
ننتظر رد السعيدي
ماجد العصيمي25-May-2010, 07:25 PM
ابو منير صح لسااااااااااااانك يالذيب
خلك وياه وازهل الصف
فواز جاك الذيب جاك ههههههه
صح لسانك مقدما
نوآف الغنامي25-May-2010, 07:25 PM
يا سلام عليك يا ذياب ,,
صح لسانك
وننتظر ابو عايش وصح لسانه مقدماااا ,,
متااابع
ذياب منير العصيمي25-May-2010, 07:28 PM
ربح السبيعي
شبل مرجحين الموازين
خيال الصفرا
صحت أبدانكم ولاعنكم غناه
وصح لسان أبو عايش مقدماً.
فواز السعيدي25-May-2010, 07:32 PM
مساء النور ياسنايدي
////////////
الله الله
/////
.......
حنا نجيب العلم من غير تحريف = حتى معاندنا يكب العنادي !!
قامو شباب عصيم .. كلن معه سيف = يادبرة الله فالشيوخ الجدادي !!
مرزوق حمدان العتيبي25-May-2010, 07:33 PM
..
الله الله يابو منير .... صح لسانكــ
وصح لسان ابو عايش مقدماً ..
.. متابعين....
علي الثبيتي25-May-2010, 07:38 PM
الله الله
ذياب
و
فواز
صحت السنتكم
فواز السعيدي25-May-2010, 07:40 PM
الله لايهينكم جميع
مشغول بكم صفحه وبالايميل ولا علي الحرام كل واحد يستاهل رد لحاله
ذياب منير العصيمي25-May-2010, 07:42 PM
ضاقت عليك الأرض ياحيف ياحيف=لاواحسايف يالسيوف الحدادي
مالك علينا ياهذيلي معاريف=ولاخير في بيتٍ بليا عمادي
ذياب منير العصيمي25-May-2010, 07:44 PM
أبوحمدان
النشمي
صحت أبدانكم جميعاً
والله لايهينكم لاخلى ولاعدم يالنشاما.
فواز السعيدي25-May-2010, 07:48 PM
الله الله
/////
هاذ العلوم مولّفه منك توليف = ولّف على كيفك ترى الوضع عادي !!
للعز وقت ولليالي صواديف = راح القيادي وانت منته قيادي !!
نمرً المقآطي ] ’25-May-2010, 07:49 PM
الله الله الله الله ،، قـآف يفـتح النفس !!
بـيض الله وجيهكم وصحت الألـسنه يانشآمآ ..
مـتآبــــــع وبـقوه ، ’
ذياب منير العصيمي25-May-2010, 08:02 PM
طيب طيب
تبي تلحفها عن الناس تلحيف=وأنته ضعيف أفكار والنور بادي
انا من اللي مجدها للعرب شيف=ذباحة الحايل وسقم المعادي
ذياب منير العصيمي25-May-2010, 08:04 PM
نمر المقاطي وجهك أبيض وصح بدنك
ولاهنت على التواجد يالذيب..
محمد العتيبي25-May-2010, 08:10 PM
لله الله
ذياب العصيمي ..صح لسااانك ..
فواز السعيدي .. صح لسااانك
مبدعييين
وااااصلوا وللابداع بقيه
ذياب منير العصيمي25-May-2010, 08:13 PM
محمد العتيبي صح بدنك ولاهنت على التواجد والمتابعة.
فواز السعيدي25-May-2010, 08:13 PM
الله الله
//////
..........
ياللي تبيعون الرطب فالمغاريف = شربٍ ماهو شربي ولا الزاد زادي !!
استولو الروقه على شاطي السيف = من بعد ماهبت هبوب البرادي !!
ذياب منير العصيمي25-May-2010, 08:31 PM
ماعاد يوجد للبليدين توظيف=والنار ماتخر ياكود الرمادي
انا أدري إن اهذيل فيها ملاقيف=وأطيبهم اللي مايكب الدوادي
فواز السعيدي25-May-2010, 08:45 PM
طيب طيب
////////
...............
من يضبط الدلّه ومن يضبط الكيف = يامن يقنّدها بزين القنادي !!
زاد البكا من بعد لجّ الغطاريف = لاتبتسم حتى لاجات العيادي !!
ذياب صح لسانك ملايين
تصبح على خير ياسنايدي
ذياب منير العصيمي25-May-2010, 08:50 PM
صح بدنك وأنت من هل الخير ولاهنت على كل حال.
معجب العتيبي26-May-2010, 08:26 AM
لله الله
ذياب العصيمي ..صح لسااانك ..
فواز السعيدي .. صح لسااانك
مبدعييين
صحة الالسن
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
