البارحة يوم الهواجيس..لشاعر ماجد صنهات الزلامي

السلام عليكم ورحمة الله وبركاتة

هذي ابيات من انشائي اتمنى ان تنال اعجابكم..!


البارحه يوم الهواجيس دقن
قعت اهوجس والمخايق نيام

عن ديره فيها المزاين قفن
قفن واناقلبي همومه من العام

من لامني جعله من الحب يفطن
عشان يعرف ويش مرات الايام

الصاحب اللي داخل القلب يسكن
حبه بلاني والمحبه بالاقدام

ابوجديل فوق الامتان كدن
وخد براقاً مزونه بالاغمام

وختامها تقبلو شاعر الفن
منظم الابيات في نطق الاحكام


وسلامتكم..!

صح لساانك وعساك سالم ياخوي والله العظيم انك جبتها على الجرح وقلبة المواجع

صح لسانكـ

ولاهنت

صحت ابدانكم يعطيكم الله العافيه على مروركم..!