على شف القمر

بسم الله الرحمن الرحيم




















والورده المرسومه على شفّ القمر يافلان=على نود السطوح فلته الاخرى هي الزينه
تبارك ربي المنّان تبارك في ذرى الرحمن=عسى مبروك ياجوفي المثلّج من نعس عينه
الا ياربي ياوسع الحجاج اللي تقل جنحان=والا ياربي ماجمل من خلقت بنت من طينه
بها طيب البدو لاجا على ربعتهم الضيفان=بها حنية الذكرى على الماضي وعناوينه
الا .. الا.. الا .. الا.. الا..الا لين الآن=الا .. الا .. الا ..الا الى بكره الا وينه
تغنت به عصافير الحلا والعشق والريحان=تصافت به نفوس مادخلها الريب مسكينه
بعض احيان احس طيبي علاج وبعض احيان=احسه في قواميس الكرم والطّيب ملهينه
انا هاكالرّهيب اللي تقل من خاطره زعلان=يزاحمني وانا مدري عن الخاطر ولا دينه
احس اني قليل الشان واثاريني عظيم الشان=وانا فعلا عظيم الشان وعظيم شان مثرينه
مادام اني من العليا وانا ذكري مع الويلان=اجل وش دافعك يالنيّه العطيله يوم تنوينه
اسد باب وافتح لك صفايح دمّي من بيبان=واعيشك والله الله يوم اعيشك حقّ يازينه
تفضّل خذ خفايا شوق ادمن شوفة الخلاّن=تفضل واغلق ابوابك وانا من الآن بـادينه