اللي عصى موسى وكذب بالالواح- مما قال أبو ماطر

السلام عيكم ورحمة الله وبركاته

عدنا لكم أخواني أعضاء منتدى قبيلة عتيبه الهيلا وعسى مانقدمه أمام أنظار أعينكم يحوز على إعجابكم وإن هذا من سروري ولكم مني كل المودة و الاحترام


هذه القصيدة للشاعر القدير منور بن ماطر العتيبي وهي موقعها من بين مساجلات جرت في وقت سابق ومن ضمن تلك المساجلات هذه القصيده : -



لا والله الا لولح العشب لولاح=غصنه يبس يوم الورق منه طاحي
البارحه سهران والكل مرتاح=وليا بغيت النوم شلع وراحي
ماني بدور للتجاير و الارباح=أشكي على ربي وادور صلاحي
صبرت صبر زاد والصبر جراح= وباقيه قفت به هبوب الرياحي
يامن يوديلي سلامي لشلواح=اللي لبس تاج الشرف والوشاحي
تكفى يابو غلاب مانيب مرتاح=أشكي علاك الحال عالج جراحي
خابرك في كل المهمات سباح=وبعد مصادمها تجيب النجاحي
بغيت أجيلك مار شفت البحر فاح=مده و جزره في المساء و الصباحي
تلقى العرب على شواطيه سياح =مترخصين وعارفين السماحي
ولا أنت ياشلواح للدلو مياح=سعد فدلك واجمعه مع ضواحي
ذيك الوجيه اللي عن الطيب فشاح =الهرج واجد واليماني شحاحي
مثل الكلاب اللي ورى المرح نباح=أدخل على الله ماتجي في مراحي
أول زماني راح مافيه تفاح=واللي بقى يمكن هماج وملاحي
اللي عصى موسى وكذب بالالواح=بعد قريتوا قصته وين راحي
يغني عن الرديان غتره و مسباح=وارضٍ خلا فيها يصوت مناحي
وعلى الرسول اختام ماقلت بنصاح=من يوم قام صغير للوحي صاحي

,,

صح لسااااااااااااانه,,,,

لا و الله الا لولح العشب لولاح ................................. غصنه يبس يوم الورق منه طاحي



الله عليك يا بو ماطر صح لسااانك



أخوي ذخر برقا ياليت تزيد النشر من قصائده حيث أن أبو ماطر محبوب وقصيده كذلك ,زود على الجزاله



أشكرك بعنف يا طيب

شرفني مرورك يامحمد

صح بدنك بالنيابه






شرفني مرورك يا عزارم


وإن شاء الله نوجب المطلوب