القريب يجي على جناح السرعه

من هجوس الشاعر اللي ماتعشقها عشاقه= مذخره والمذخره من ساس ابوه وساس جده

والله انا مع عتابه مانبا قطع العلاقه= مير اشوف البرق يبرق والليالي مجرهده

الله الله

مبدا جميل

صح لسانك يا محمد احمد الاصلع

و صح لسان قبيلك مقدما

صح لسان يامحمد

صح البدن والروح

وش بلاكم ماتردون وانتو شعار ياالاثنين واللي هاجين من الاصلع اكيد انه مخوف الجميع كل مابدعت بدعه حاموا حاموا حولها ثمن جفلوا ههه

استلم الرد يامحمد وماحد يخاف الا من الله

الله يجيب شاعر عتيبي يرد علينا بها البدعه اللي والله ماودي تروح بلاش مثل سابقاتها

من هجوس (ن) تطرب الاقصين وجموع الرفاقه=للجمايل مستعدة للحرايب مستعدة
تالي الايام ماينفع مع الناس اللباقة=اسرج اخيولك وعد الجيش للغزوات عده

لاتجمل غير في ناس لهم فالطيب باقه= انت مثل اللي رعى نوق العرب وانباح سده


دامت انك جيت في راسك نبا نبدى الحلاقه= والطيور الباقيه فيها مع الايام لده

وانت مثل اللي يصب البن مايعرف مذاقة=شيب الرجال من جهد المطالب والمكدة
انت مثلك للحرايب يلزمه مشروب طاقة=ابك حنا اهل الغزاوي يوم راسك في المخدة

صحت السنتكم

يافلاح الواهبي حذراك تطغيك الحماقه= والبنادم مايود الا القلوب اللي توده

انفتح يااصحابنا في جدركم عشرين طاقه= مار عزز جدرك اللي كل عاصوف يهده

يامحمد ودي اعلمك بعلوم الطلاقة=يوم دربك ممتلي بالنار وانته فيك صده
وانت بابك منفتح للناس ومرخي وثاقة=صكو البيبان قبل اتجيك خلان الاشدة

كيف تعطيني علومك وانت ماتملك بطاقه= شيل حملك ياجمل واللي تجيب اليوم وده


بيتنا مبني ومحمي ياعميلي من رواقه= وانت ضيفك لالفاك من الوله يزداد رده

الخاتمه عندك يافلاح ماقصرت اشكرك على ماقدمت وفمان الله ولنا لقاء ان شا الله

المنافق لو تطوع ماقدر يترك نفاقه=يابعير(ن) وسمنا ينشاف لا من لف خده
انت منت بلا عدو ولانت حايز للصداقة=انت رجل(ن) كل ماهب الهوا يرمي بسده

اشكرك يامحمد ونشرف بمثلك