حيرتني واحترت .....

محمد عبدالله العسكر



حيرتني واحترت .. وش هي نواياك =
كل ما نسيتك جيت تعلن خضوعك

عجزت لفهم بالهوى كيف مبداك =
طبعك غريب ونادر الناس نوعك

مره تجيني قاطع حدود دنياك=
تسبق معاذير البطاء لي دموعـك

في لهفه منها الوله جاوز اخطاك =
وكن الغلا مستل سيفه يلوعـك

ومره احس ان الغلا من بقاياك =
ما ضمته بين الحنايا ضلوعـك

صار الغياب اليوم ابرز مزاياك =
واول غيابك ما يكّمل سبوعـك

قلي امانه ريّح البال وش جاك=
لا تنطفي بالحب اخر شموعـك

عطني عهودك بالوفاء هات يمناك =
واللي بغيته بالمعاليق طوعـك

رهنت شوقي بايع الناس لرضاك=
وانهد حيلي من غرايب طبوعـك

ابيك تبقى داخل العين ترعاك
لو طحت يصعب في المحبه طلوعـك=

مليت صبري اشتكي منك وانهاك =
يالله عسى ما صابني ما يروعـك

هذي حروفي نزفها من سواياك =
ترجمتها باحساس ياصل سموعـك

اخاف يومٍ ما يجي فيه طرياك =
وان جيت ترجع ما يسّرك رجوعـك

فيصل
الله يعطيك العافيه
ومشكور ياغالي

على القصيده الرائعه

هذي حروفي نزفها مـن سوايـاك
ترجمتها باحساس ياصـل سموعـك

اخاف يومٍ ما يجـي فيـه طريـاك
وان جيت ترجع ما يسّرك رجوعـك

فيصل المسعودي

صح لسانك وسلم بنانك

صح لسانك وسلم بنانك

طحت يصعب في المحبه طلوعك

مليت صبري اشتكي منك وانهـاك
يالله عسى ما صابنـي مـا يروعـك

هذي حروفي نزفها مـن سوايـاك
ترجمتها باحساس ياصـل سموعـك
صح لسانك وسلم بنانك صح بدنك ... وحياك الله