قصيده مو جه من الشــاعر\كديميس العصيمي الى شديد الهماش

سلام ٍ من القصاد لشديد الهماش = كمنه بوقت الضيق يطلع على الشاشه
وانا مااعرفه مير الخبر جابه الطراش = يقولونه اللي يم الأبواب هتاشه
يقولون بعض الناس من مدته يعتاش = ليا زاره الملهوف ماخاب مطراشه
ويقولون يفزع للمكلبش ورى الأحواش = وتقررمصيره بين الأملح وكماشه
وراه صغار وشايب ٍ طقه الهشاش = على العود والقصار متلخبط ٍ جاشه
سعى له شديد في السلامه وقام وعاش = وتهنت عيونه قبل بالدمع جهاشه
صحيح الرجال اشكال وانواع ياعماش = لو ان المظاهر كل واحد بدش داشه
لكن المواقف تظهر الهيلعي واللاش = تبين الرجال اللي في الاحداث هواشه
وانا لي ولد عم ٍ قدم فوهة الرشاش = يتسمع لسبر الموت يرمي برشاشه
وانا مقدر افزع له وهو ماقدر ينحاش = يتمنى لو ان الموت يأتيه بفراشه
واحاول وكل محاوله تنتهي ببلاش = حكم هيئة التمييز في مكتب الباشه
وابشكي على هيف الملايين والادباش = طويل اليمين اللي للأمجاد حواشه
صيانيه ممليات بالحشووالأكباش = وعلى اسوار ضيفانه بعض ناس معتاشه
ابشكي عليه اخصام وحدود ماتنهاش = وابي فزعةٍ لدموع الابوين مشاشه
زهمته وبينت الهدف ماعليه قشاش = وانا بانتظار محاولاته وما حاشه

مشكور اخوي نامي

ويعطيك العافيه

وصح لسان الشاعر كديميس

الله يعافيك اخوي ابو بجــــاد

مشكور على المرور

الله يعطيك العافيه

ولاهنت

مشكور ولا هنت..... صح لسان شاعرنا كديميس وفقه الله

صح لسان


ابو سلطان


و تسلم يمينك


نااااااااامي

الزايـــــدي

الغيــــــث

هليـــــــل

تسلمـــــــــــــــــــون

اسعدنــــــي مروركم

ودمتـــــم بـــــود