.. مدري إنه من صوابي .. أو إنه من عماي ..

أأمل أن ينال ولو بالقليل من رضائكم ..



إيه أحبك .. حب ٍ يفوق وصفـي بالقصيـد = تعجز الكلمات .. عن وصف حبك يا غـلاي
حبك اللي .. سـار مـع دم قلبـي والوريـد = وأنتشر في داخلي .. لين سيطر في حشـاي
حبك اللي .. كل يـوم ٍ عـن الآخـر يزيـد = ما كفى إنك مالك القلـب كلـه .. ياهـواي
المهم .. إنـي أحبـك وأعشقـك ذا الأكيـد = والأكيد إنك .. لحالك ياروحي .. في سمـاي
نعنبو حيّك تدلـل .. وقلـي وش تريـد .؟؟ = والله إنك لو تبا الروح ..جت لـك يامُنـاي
لاجل عينك يا أريش العين راضـي بالنكيـد = مدري إنه من صوابي .. أو إنه من عمـاي
كل ما شفتـك .. تدخلنـي ب/ عالـم جديـد = يكفي .. اليا شفت زولك نسيت اللـي وراي
أبك شوفك يا أريش العين عندي يـوم عيـد =وكان ماتدري ..ترى شوفتك تروي ضمـاي
والله إني كل ما شفت .. زولـك مـن بعيـد = أرتبك .. يانور عيني ولا أدري وش بلاي ؟؟
ميّزك خالقك .. .. سبحانـه الفـرد المجيـد = ميّزك عن باقي الخلق .. يـا غايـة مُنـاي
وين أبا ألقى مثل عينـك ورمشـك يالفريـد = وين أبا القى مثل هـاك الشفايـف ياغـلاي
ضحكتك عندي تساوي هـذا الكـون المديـد = يكفي إليا شفتها .. زال همّـي مـع شقـأي
أستمع يانور عينـي تـرى بأرجـع وأعيـد = أستمع ويعيدها بعـد صوتـي لـك صـداي
إيه أحبك ..حب ٍ يفـوق وصفـي بالقصيـد = تعجز الكلمات .. عن وصف حبـك ياغـلاي

بارك الله فيك