مستور العصيمي وحبيب العازمي

هذه المحاورة جرت بين الشاعرين:

مستور العصيمي وحبيب العازمي.

حبيب
ياصاحبي مستور يوم انت بدوي سنّك كبير
ـــــــــــــــــــــــــــ قدّم لنا نبذة بسيطة عن حياة البادية
أحسن ركوب الطايرة والباخرة والا البعير
ـــــــــــــــــــــــــــ والا ركوب الموتر اللي مشيته متحادية

مستور
البادية والحاضرة سوى سوى تنعم بخير
ـــــــــــــــــــــــــــ اخذ السوالف هادية ما دام الاجوا هادية
لوّ البعير يطير كان احسن لكنّه ما يطير
ـــــــــــــــــــــــــــ سفينة الصحرا وميراث(ن) من الاجدادية

حبيب
الناس طلعت للقمر وانته محلّك تستدير
ـــــــــــــــــــــــــــ أصبحت مثل الكورة اللي عند باب النادية
اختار فالأمرين والموضوع الاول والاخير
ـــــــــــــــــــــــــــ اتشاهـــد التلفاز ولا تستــــــــمع للرادية

مستور
أنا زرعت البر واحصد بر ليش احصد شعير
ـــــــــــــــــــــــــــ واخذت للحرة من التاجر رسن وشدادية
اليا بغيت اختار اخذت الطيبة مهما يصير
ـــــــــــــــــــــــــــ واهل الفتايل وش تقول وقدحها بزنادية

حبيب
اللي زعل يشرب بحر واللي رضي يشرب غدير
ـــــــــــــــــــــــــــ والسايق المسرع لعله يقطع العدّادية
خذها بدون مجاملة كلمة يعبّرها الضمير
ـــــــــــــــــــــــــــــ يا لأجودي مالك مكان إلا مع الأجوادية

مستور
اللي زعل واللي رضي واللي قطع سلك الحرير
ـــــــــــــــــــــــــــ علم(ن) بدون اشهود عند الناس ماله قادية
خذها نصيحة يا حبيّب واحسم الوضع الخطير
ــــــــــــــــــــــــــ اللي يصيد الناس مع طول الدهر ينصاديه

لوّ البعير يطير كان احسن لكنّه ما يطير
ـــــــــــــــــــــــــــ سفينة الصحرا وميراث(ن) من الاجدادية


واضح ان مستور أختار الطائره ..

ومشكور عزيزي وصل

شكرا

خذها نصيحة يا حبيّب واحسم الوضع الخطير
ــــــــــــــــــــــــــ اللي يصيد الناس مع طول الدهر ينصاديه

ونعم الناصح ونعم النصيحة

اخوى الغالي وصل

بيض الله وجهك ودمت لنا نورا تجلب الانوار

لكما من الشكر اجزله ...


تحياااااااتي

تسلم ياوصل
شعار كبار ومحاوره متميزه

تحياااااااتي

سلمت يابو مشهور والله يعطيك العافية :)

تسلم ياوصل
شعار كبار ومحاوره متميزه

تحياااااااتي