لمن أراد إسمي الحقيقي
لي هيبه ومن شعراء عتيبه04-Sep-2008, 08:10 PM
الكثير من الإخوه طلب مني إسمي الحقيقي فكتبته بهذاء اللغز ولي ماهو شاعر يعذرني:
أنا أسمـي إسم لا يعلـى عليه
يشيل الكيل ثمن ما يحيده
لـيـا من حـط كـيلـن ثـم كيـلن
أبـد مافيـه كيلـن قـد يزيـده
ونا أسمي قد تكون من حروفن
بـلا غـنه ولا رمـوزن تـبـيـده
عبدالرحمن الهيلوم04-Sep-2008, 08:18 PM
والله والنعم فيك
واهم شي انك من اعتيبة الهيلا
وش رايك بهاي الرمعه
زايد
وش رايك رمعه شكلها مع الخريم
لي هيبه ومن شعراء عتيبه04-Sep-2008, 08:21 PM
يعطيك العافيه ونا أخوك بس إيش الرمعه تراني بدوي.........
إستراحة محارب04-Sep-2008, 08:36 PM
وهذي رمعتي
مع إني متأكد 100% إنها خطأ
لكن !!!!
علي
بدرالهبيري04-Sep-2008, 09:14 PM
رمعتي يمكن
مثقال
مع ان اللغز ماهو واضح منه شيئ يعني ماتركت اي دلاله
تبين فيها للقاري يعني مغلق ولايمكن يحل بالتفكير يعني
يمكن يحلونه الربع بالرمعات فقط
وترى الرمعه عند البدوي معروفه
واللي مطلعين اسمها هم البدو
تحياتي وتقديري .. بدرعيد ..
لي هيبه ومن شعراء عتيبه04-Sep-2008, 09:25 PM
أخواني بلا غنه ولا رموزن تبيده صح إن علي وزايد بلا غنه لكن الرموز موجوده ولا مثقال فيه الغنه
وفيه الرموز........شاكرلكم
البريماني05-Sep-2008, 04:19 AM
رمعتي والله اعلم ....حزااام
مرزوق حمدان العتيبي08-Sep-2008, 12:07 PM
..
ينقل للالغاز على شان يشتغلون اهل الرمعات :)
..
أبو عمر الأسعدي14-Sep-2008, 04:36 PM
الـثـقـفـي20-Sep-2008, 05:15 AM
والله لغزك يحير يا ابن العم
ان ماخاب ضني ..اسمك ..يا انه (فهد) ..يا انه (سعد)...وتقبل مروري
معلا إبراهيم الأسعدي02-Oct-2008, 02:38 AM
يعطيكم العافيه جميع ٍ
عندي رمعه ....... انت اسمك .. راجح ........؟؟؟
فهيد الايدا المورقي02-Oct-2008, 03:24 AM
اوافق شمان الاسعدي
اسمك
راحج
الحشيشي02-Oct-2008, 05:03 AM
صباح الخير للجميع000000000
الاخوان اللي قبلي قربوه ورمعهم جوله
بس انا عندي رمعه والله اعلم 00 اسمك وافي 0
فهد النفيعي05-Oct-2008, 05:58 AM
اسمك سعد
بلارموز ولاغنه
والعلم عند الله
محمد سفر الخديدي16-Oct-2008, 04:27 AM
لـيـا من حـط كـيلـن ثـم كيـلن
أبـد مافيـه كيلـن قـد يزيـده
من خلال ما فهمت من هذا البيت إن أسمك
(( عادل ))
على قول الأخوان أهم شئ أنك من عتيبة الهيلا
مهما يكون أسمك تحياتي لك على اللغز الجميل
