مـحـاوره بـيـن رمـزيـن كـبـيـريـن

بــســم الــلــه الــرحــمــن الــرحــيـــم

راعي الباكور



سلامي على اهل الحله اللي لها شان رفيع

وحنا نجيها في ليال السعد وانرودها

ليا جيت من سوق التجاره نويت اشري وابيع

ولا اكفى حياض العد من يوم جات اورودها


عبدالله المسعودي


هلا مرحباترحيب يضفي على روس الجميع

سوات الدوى لقلوب بعض العرب واكبودها

سبور السوالف وايقت كل ضلع وكل ريع

عيال الحلال اليامحل الحياه اتقودها



راعي الباكور


بغيتك تسافر يم لندن شتا والا ربيع

وخابرك ماتسلي جبالن تصيح قرودها

ترى اللي سواتك يطعم العلم لابده يطيع

ليا شاف درجتها تساوت على بارودها


عبد الله المسعودي


غدا راعي الكبسون تقرع على جنبه قريع

يبا يستحل ابلاد صنعا بكثر ازيودها

انا عارف ان السمن طيب ولكنة يميع

يدين ٍ تغمس فيه بيسيل فوق زنودها



راعي الباكور


يضيع العمى واللي عيونه سليمة ما يضيع

ولا ينقل اللي في نحرها نشب عبرودها

وانا ما سبرت اللي تدرق ورى سد الوشيع

الف الجنازة في كفنها وارز الحودها


عبدالله المسعودي


من اللي يدور للبن بعد شهر من الضريع

وش اللي يصيده بعد يوزي فمة في اديودها

ترى المقبره حمرا وغبرا وحلم الله وسيع

عسى تشرب الشجرة وتحيا ويخضر عودها


راعي الباكور


لو انك تغمض نص ساعه يسبعك السبيع

وتخدمك ضباط السرية بكثر اجنودها

لكنك تعلمت اللكاعه وسموك اللكيع

تبا الشيخ يقبل دعوة ما لقيت اشهودها


عبدالله المسعودي


بعض قوم لا تصنع ولا تعترف بامر الصنيع

عرب غافلة تقرع على القافلة بإشنودها

ولا يا معلم خار ما انته متين ولا رفيع

تبى تبلع الخنقة وتوبة ما عاد اتعودها

الله يرحم راعي الباكوره
يعنك انه دكتور شعر
شكرا لك يالغالي

من اللي يدور للبن بعد شهر من الضريع *** وش اللي يصيده بعد يوزي فمة في اديودها

رحمك الله ياملك المحاورة عبدالله المسعودي ياعنك ماجاله مثيل .

تحياتي .