واحد شعره كما هداج تيما ....ماينقص ماه لو كلٍ يميحه

اقول الشعرهاجوس وقريحه=يعافكلك ونوب يهب ريحه
ليا صادفك موضوع يحسّك=تقوله وانت نفسك مستريحه
وتقطف من زهوره كل ورده=وتستانس مع الورد ونفيحه
تصوغ القاف وتصوغ المعاني=تخيّر فيه وتقد ّم مليحه
ونوب الشعر عنك يصك بابه=ولذ ّاته على الشاعر شحيحه
ياكود اللي يخبطه خبط عشوى=ولايفرق مليحه من قبيحه
أحد شعره كما الحسو المرفّا=مجمّه دوب يملا له صفيحه
وأحد شعره كما هد ّاج تيما=ماينقص ماه لو كل ّ ٍ يميحه
وزمان اليوم شعّاره كثيره=يخلطون العسل فوق اللتيحه
دخل شعر النبط شعر الحداثه=ودخل كلّه على شعر الفصيحه
وكل ّ ٍ قام يرسل للمجله=ومحررها يسوي له شريحه
ولو إنّه عارضه قد ّام ينشر=على عر ّاف وعقول ٍ رجيحه
يدلّونه ليا غوي الدلايل=لاصار انّه يبا درب المديحه
يبا من شعره المنشور عز ّه=وشعر ٍ قد ّّمه راس الفضيحه
ليا منّك قريته سد نفسك=وودنّك من الصفحه تزيحه
يعاتبك القلم ياللي كتبته=وتعاتبك المعاني والقريحه
وأنا ماودّي أجرح لك مشاعر=وعرض اللي غفل مانستبيحه
لكن أنصحك من باب الموده=و لعلّك تستفيد من النصيحه
تريّث فالقصيد إليا نظمته=وتنق إلنا معانيه الصحيحه
ولاتزعل على اللي ينصحونك=دخيلك لاتولعها قديحه
وأنا ماأقول أنا أعرف من يقوله=أخذها كلمة ٍ مني صريحه
وخلق الله طبايعها تفاوت=وكل ّ ٍ فيه ميزه وإله ليحه
أحد مثل الذهب وأثقل بوزنه=وأحد مترديّه مدري نطيحه
وأحد رجال تنعم في جنابه=وأحد قربه يشادي شوق شيحه
ولوّ آعد ّهم ياما وياما=لكن الرجل يعرف من نضيحه


للشاعر / مقحم بن دحيم الغنامي

لله دررررررررررررررره من شاااااااااااااااعر حقيقةً سجّل أعجابي للامحدود لهذا الفحل يالاّد غنــام ,,,

الله يعافيك يالعطاوي

الله الله

صح لسااانه مدد .. شاعر بحره غزير

بيض الله وجهك يالغنامي
...

الله يعطيك العافيه والصحه يامحمد ويبيض وجهك

صح لسان الشاعر وبيض الله وجهك على النقل ..

عافاك الله يابو نواف

صح لسانك ولسانه