مداعبه (لأربعة اعضاء )بإسم سعد

, ‏سعد السميري, ‏سعد الوافي, ‏سعد حميد الثبيتي, , ‏سـعـد الـعـصـيـمـي,


-------------------------------------------------------

والنعم بكم كلكم




يامرحبا باللي تسموو كلهم باسم السعد
صدفه وجابتهم سوى يوم احتضنهم ودها


سعد العصيمي والسميري والثبيتي له مدد
من بعده الوافي وميزنا الاسود وعدها

ابيض وجه ياعطاوي انا اشهد انك مبدع والنعم في خويانا كلهم

ابيض وجه ياعطاوي انا اشهد انك مبدع والنعم في خويانا كلهم

وجهك ابيض ياسعد
وشهادتك نعتز فيها
والنعم بالجميع

دام البقا ياللي ترحب بالرجال اهل البلد =انته ومن عديت من قوم عريب جدها


الاربعه وافين والطيب ذكرهم ماجحد= وانا نيابه باليمين امدها وتشدها

ياجعل فيك الخير ياللي عن سميينه ورد
ينوب عنهم في المواقف واللزوم ايسدها


افهود شرسين اربعه والفهد يشبه للفهد
عساك ياسعد الثبيتي في الشدايد قدها

اشهد انكم شعراء ، صحت الالسنه وعلا شانكم جزليين وماجبتو الا الجزل متابعين لهالطاروق المتميز واصلوا وليلكم سعد .

مبدع يالعطاوي

يستاهلون الرباعي السعد وكل الأعضاء


تقبل مروري

وقت اللزوم اللازمه تبشر لك بوقفة ولد= يعز بنيك يالعتيبي ما لك الله هدها


دم العتيبي فالحميه نار ما والله برد= لكن ياراع السيوف الشقر بالله حدها

صحت الالسن والقلوووووووووووب

منكم وفيكم مثلكم لعيون كايدكم رمد
قومن تقرب من مضاربنا تربنا خدها


خيل مخيله في الشمال اخيالها برق ورعد
حزم حزامك للعلوم و هاتها ثم ودها

يالله تاقا صاحبي من شر عين اهل الحسد= حيثه عريب منسبه من قوم يقدح زندها
انا لها وانا لها ياصاحبي وقت الطرد=عدوانك عدايه لكن ابشر برجل يضدها

الحر ماصدق على الله لو يجي وقت الهدد
وانا من ارجال ٍحمياهاوراثه عندها


عيني تشوف من البشر شعار بالمعنى ترد
لوكان ماهي عادة الاجداد جاك ابردها

سبقتنا على الطيب يالثبيتي لكنك قدها

صحت الالسن والقلوب

حنا مكملين لبعضنا يااخ سعد من دون قصور في باقي خويانا تقبل تحيتي بكل ود واخترام

والله شعار وعساكم بالسعد

الحر حر ولا يجيله ياطويل العمر ند= وانته من رجال الوفا اللي ماتبيح بسدها

عيني تشوف اللي قرب ياصاحبي واللي بعد=وانا خبير(ن) فالبحور بجزرها وبمدها

يالله عسى الهيلا تدوم بعزها حتى الأبد
وانته وانا نفخر بعزتها وطولة يدها


انا ضربت الك المثل يوم الجمل جاله زبد
مهيب لك في شانها وابغاك تاقف ندها

امين يارب الملا تقبل دعا من هو سجد= تحفظ عتيبه للابدوتعز ياالله مجدها

انته ضربت اروع مثل واقول لك يالذيب زد=وختامها عنبر ومسك ونفحة من وردها

صح لسانك ياسعد الثبيتي
سعدنا واستمتعنا بمحاورتك في هذا الطاروق
صح لسانك مليار ونلتقي في مناسبات قادمه ان شاء الله

على خير ان شاء الله والجايات اكثر تقبل تخياتي بكل ود