ياشين طول الصبر ياشين لفح السموم .. وياشين دمعة كبير القوم لاهلها

هذه قصيده من الشاعر : متعب بن ضيف الله بن مثعي الغربي رحمه الله .. موجهه للشاعر : مطلق الطايعي الهاجري





العين تشكي السهر والصدر يشكي الهموم
وانا اشتكي من غرابيـل الدهـر كلهـا
ياطيـر لاوهنيـك لـك جنـاح وتحـوم
وان عفت من شجرتن ماجيت في ضلهـا
وإليا جفتك الدير لـو الـك فيهـا لـزوم
انهض بصدرك وجنحـان السعـد فلهـا
العلم ياطير لـو انـك تصيـر امحكـوم
وانتـه تبـي حاجـه وازريـت تاصلهـا
العافيـه والسلامـه للبشـر مـاتـدوم
والروح ماعـاد تـدري ويـش باقلهـا
يامطلـق الطايعـي ماينفعـن العـلـوم
كـم واحـدٍ حـاول العقـده ولا حلـهـا
ياشين طول الصبر ياشين لفح السمـوم
وياشيـن دمعـة كبيـر القـوم لاهلهـا
هذا زمان الحنـادي والرخـم والرخـوم
تبـدي تباشيرهـا والوقـت صافلـهـا
والله مهمـا يطيـح الحـظ والا يـقـوم
اقول عـز النفـوس اخيـر مـن ذلهـا

الله يرحم ابو نادر
مشكور على النقل
فوق مستواك