ياذيب شب النار ودن المعاميل

@ ايليكم هاذهى القصيدة الثانية اجتماعية
ءءءءءءءءءءءءءءءءءءءءءءءوسوف ياتيكم قصايدكثيرة



يا ذيب شب النار وادن المعاميل @ والنجر دنة لين يسمع جوابة

يشبة عوا ذيب عوا تالي الليل @ ذيب ن على صوته تجيب الذيابة

نجرن يصوت لنشاما المشاكيل @ يدعولك الاجناب هم والقربة

اعمل لنا بنن يبهر من الهيل @ لشفة العمسان محلا شرابة

يبعد عن العمسان كثر الولاويل @ اشقر بلونة مثل حاني خضابة

حتي يطيب الكيف هوالتعاليل @ سولفن ن تعجب وفيها طرابة

احلى على كبدي من الماالشهاليل @ مزنن تنثر من عوالي سحابة

مع الجماعه كاسبين التنافيل @ ربعن لهم قيمةوعز ومهابة

عقال عراف بكل الدواليل @ واليابداءشرن يصكون بابة

وفعولهم يوم القدايم على الخيل @ فرسان في وقت اللقي والحرابة

اليوم معهم يدله القلب بالحيل @ الكل منهم منهج الحق صابة

اكثرسولفهم من الحق تنزيل @ يمشون منهاج النبي والصحابة

وباأنصح الشبان جيل ن بعدجيل @ نصيحتن للي بقلبه لبابة

والعمرعارية ويمشي كماالسيل @ والعافية ماهيب عندك قضابة

ودنياك لوتضحك تسوي محابيل @ كم واحدن سوت علية انقلابة

عليك بالتقوي سوات الرياجيل @ اللي ذكرهم ربنافى كتابة

ماهمهم كثرالتجارة ولاالكيل @ سالين بالقران عكس الربابة

باليل رهبان ن عبادة وتهليل @ وبالصبح اسودن تلتهب وسط غابة

وفي والديك البرماله تماثيل @ تكسب رضى ربك وتسلم عذابة

عليك بالتقوى على كل تحليل @ وكل ن يحصل عند ربه ثوابة

ومن لايخاف اللة مصيره على ويل @وبالاخره كل ن يلاقي حسابة

وصلات ربي عدوبل الهماليل @وعدادماتذري ذواري ترابة

على نبي ن سنتة مابهاميل @نورن يلوح ونهج ن يقتدابة



@الشاعرالكبير@بدرعبدالرحمن ملفى القوس