مــحــاورة حبيب و تركي.. حفلة قطر

حبيب العازمي:
سلام للحفل الكبير وراعي الحفل الكبير ++ والدوحه الي بالوفا والخير ضافي ظلها
ليا وقف شاعر من عتيبه وشاعر من مطير ++ الاوله والثانيه والي عقدها يحلها

تركي الميزاني:
يامرحبا بك بالنيابه وانت ماحجمك صغير ++ شاعر وفاهم بالسوالف والمعاني كلها
عطني علومك ياحبيب ياعسى فالامر خير ++ نبي نسولف ونتهرج والدروب ندلها

حبيب العازمي:
الناس يغلبها الهوى والطير بجناحه يطير ++ الي تناسب هاتها وان صار فيها خلها
هل تعلم ان الارض كبر قرش في عين البعير ++ والي عشق ليلى قبل 90 عام ملها

تركي الميزاني:
ياكثر مايطري عليه من طواري بالضمير ++ وانته يجوز انك تميز دقها من جلها
هل تعلم ان الوقت والدنيا رحاة تستدير ++ ومهما تمر سنين ليلى ماتناسى خلها

حبيب العازمي:
اهل الوفا كما البابور في البحر الغزير ++ وان كان صارت معركه هات السيوف وسلها
ياللي تشيلوون المريض ولا لقيتوا له سرير ++ عندي دوا لهل الكبود الزايمه ويعلها

تركي الميزاني:
انته توصيني وانا حاسب حسابي من عصير++ والمعركه قدي يابن عاصي وان قدلها
لافرق بين العلم الاول يالعتيبي والاخير ++ والارض تنبت نبت مادام المزون وتبلها

حبيب العازمي:
العلم عند الله وانا مخلوق ماادري وش يصير ++ لكن ماباقي معك غير الصلاة وصلها
مدري سلوك المشكله من قطن والا من حرير ++ امسى هذا ينقض لها واصبح هذا يفتل لها

تركي الميزاني:
صاحبك ما يارد على هداج بالحبل القصير ++ لابد مايمهل لها لحظه ولا يهمل لها

ملك احساااااااااااااااس


لاهنت على المحااوره الجميله



تحياتي

لاهنت على النقل الرائع
وتشكر
وتقبل تحياتي

مشكوررين على المرور..

لاهنت اخوي ملك احسااااااااااااااااس


مشكوووووور.

مشكور ياأخوي ملك إحساس على النقل الرائع
والله يعطيك العافيه

ملك احساس

دلاهنت والله على النقل

...
...
لاهنت ياملك احساس

محاورة رائعة جدا جدا

ونقل موفق وهذا مااعتدنا منك التميز

مودتي

.

مشكور والله يكثر من امثالك ياملك احساس بس لاهنت لو تجيب المحاوره بالموال

مشكورين اخواني على المرور


والتميز هو ردودكم

والمحاورة ذي بدوون موال

مشكور على المحاوره يابوفيصل

العفووووو بالنيابه عن ابو فيصل

ملك احساس

لاهنت على النقل الرائع وماقصرت

ولا انت

ومشكور على مرورك

مشكووووووووووووووووووووور

وبارك الله فيك

أخي الكريم ملك احساس

لاهنت على مرورك يابو مشاري

ملك احساس
مشكووووووووووووووووماقصرت

على النقل الرائع

لاهنت اخوي ملك احسااااااااااااااااس


مشكوووووور.

والله يعطيك العافية

ولا انتم


ومشكورين على المرور

لاهنت ويعطيك العافية

على هذة المحاورة

ابو سديم

هل تعلم ان الارض كبر قرش في عين البعير ++ والي عشق ليلى قبل 90 عام ملها
معنى خطير لم يدركه الفين للاسف شكر لصاحب الموضوع

لا هنت على النقل الرااائع

مشكوووووووور على هالمحاورة الراائعة

وتركي اكل المطب الأول من حبيب العازمي في ثاني بيت

اسمحولي على تفسيرها وهي حسب وجهة نظر كاتبها

المحاورة حملت معنيين ..ولكن سوف افسرها وانجز واختصر


ليا وقف شاعر من عتيبه وشاعر من مطير ++ الاوله والثانيه والي عقدها يحلها


الاولة : عتيبه
الثانية مطير

تركي لم يفطن في البيت هذا وجاه التصحيح آخر شي من احد الشعراء او النقاد الذي افطن لتركي


لانه لم يفتل البيت هذا الا في نهاية المحاورة وانهاها حبيب وجعلها دسم المحاورة هذا المعنى



قال المطيري :


لافرق بين العلم الاول يالعتيبي والاخير ++ والارض تنبت نبت مادام المزون وتبلها

مافيه فرق بين عتيبة ومطير (الأول والأخير)


رد حبيب :


مدري سلوك المشكله من قطن والا من حرير ++ امسى هذا ينقض لها واصبح هذا يفتل لها


هنا يلومة حبيب ويقصد هل احد اخبره او يتزرا عليه اصبح هذا امسى هذا ينقض لها

واصبح هذا يفتلها

بمعني النقض جا في المسا ...والفتل اتى في الصبح يعني بالعربي (صح النوم)



المطيري:

صاحبك ما يارد على هداج بالحبل القصير ++ لابد مايمهل لها لحظه ولا يهمل لها


هنا يتعذر تركي ويقصد انني عارف المعنى ولم يفوتني ولكن امهلت له ولم اهمله





اما المعنى الثاني الذي دخل المحاورة :

هل تعلم ان الارض كبر القرش في عين البعير ++ والي عشق ليلى قبل 90 عام ملها

بيت ملياااااان ودسم ولاحظو معي

الارض = ساحة المحاورة
القرش= نفسها ساحة المحاورة والمقصود قرش هو هللة الريال

البعير = حبيب العازمي والله اعلم

اللي عشق ليلى = اللي هو حبيب العازمي وليلى هي الملعبه والمحاورة

ملها = لماذا ذكر هذا البيت ..بمعناه ؟؟
اي اني مليت المحاورة وابي العب معك ارضاء لجمهوري ولا انت منت ((.........)) اقابلك


لله درك يابو فيصل



اتمنى ان اكون قد وفقت وهذا والله اعلم




تقبلو تحيات اخوكم

غرابيل الدهر

لاهنت على التحليل
يالطااااوي

وتشكر عليه جزيل الشكر



تقديري لك وللربع

...
..

ماشاء الله عليك يبو نجر

محلل رااااائع


وماعليش لو توضحلنا يالبّار وش المعنى اللي فهمته

لاني كنت اسمع المحاورة معي واحد يقول الديرة التي هم فيها:)

لانه بعد ذلك فالموال قال بن مشيط

الارض كبر القرش لشعيل لاشاف ::يقولها حبيب ياتركي ولا خاف


والمعنى دائما في بطن الشاعر:)

موووودتي

.

سلمت .. والملك ملك ياحبيب

مشكور يا ملك الاحساس عزالله انها محاوره شيقه

لاكن هل لعبوا حبيب وتركي موال يليت تجاوبوني واللي عنده لا يبخل علينا

مشكووورين كلكم على المرور

وشكر خاص للمحلل وبيض الله وجهك

وحبيب وتركي مالعبوا موال سوا بل كانت رباعيه حبيب و تركي + القرقاح وابن مشيط

يسلم ابو فيصل وماهي غريبه عليه يعرف متى يجب عليه تسكين الورنع في اماكنهم فالمراهقين اللي يسمعون صوت تركي عجرم ومعجبهم كثرت لجتهم ولكن هذي المحاوره من حبيب لعجرم تعرفهم مقاس مغنيتهم
الله يطول عمرك ياابوفيصل يالشبح
على فكره تركي عجرم يوم يترزز بالهمر وكل يوم يقول الهمر فالرايح والجاي يبغى الناس يطلقون عليه لقب الهمر

مشكوور يااخوي على المرور..

وتركي شاعر وحبيب شاعر ..


وعندي ملاحظة للي يقووول ان تركي مافهم مقصد حبيب يوم يقووول بعد 90 عام ملهااا

انا من وجهة نظري انه فهمها


يوم رد قال ترى ليلي ماتناسى خلهااا

انك انت لهالحين مثل ماانت فالمحاوره لك شأنك

اما اول بيت فأناا

اوافق غرابيل الدهر مشت عليه سالفة الاولى والثانيه