محاوره حصريه : بين الشاعرين ناصر ابن سرحان الشيباني وسهيل

بسم الله الرحمن الرحيم

هذه محاوره حصلت عليها مؤخرا اهديها لكم ..
وهي بين الشاعرين الكبيرين الشاعر / ناصر ابن سرحان العوادي الشيباني رحمه الله والشاعر / عبدالعزيز ابن مقحم (( سهيل )) ..
جرت هذه المحاوره النادره عام 1384هـ في منطقة القراين بالوشم ..

سهيل


من شاف ابو مرزوق ناصر يناديه من شاف ابو مرزوق=ياشين تال الليل تقصر صفوفه يا شين تال الليل
الي دخل بالسوق يدري بما فيه الي دخل لسوق =بالوقت عدل وميل تخلف ظروفه بالوقت عدل وميل

ناصر


تال الشهر ملحوق يالله تحييّه تال الشهر ملحوق =عمي خفيف الشيل كني ماشوفه عمي خفيف الشيل
السوق غير السوق والزين نشريه السوق غير السوق =ياويلكم بالويل عقب النكوفه يا ويلكم بالويل

سهيل


ابا اسرق الصندوق والقفل ابا ارميه ابا اسرق الصندوق =الصبح يمشي سهيل ماحدٍ يشوفه الصبح يمشي سهيل
درب الهوى ماثوق بالرجل ابا امشيه درب الهوى ماثوق =ديرتك جاها السيل عقب الحفوفه ديرتك جاها السيل

ناصر


برقا تساعد روق والقلب تكويه برقا تساعد روق =مالك ومال الهيل تزري تحوفه مالك ومال الهيل
ثوب الردي مشقوق والرمح اهو فيه ثوب الردي مشقوق = يا ناقل المنديل هرجك طروفه ياناقل المنديل

سهيل


نجي لكم من فوق كلش نسويه نجي لكم من فوق =ناخذ سباق الخيل لوهي معروفه ناخذ سباق الخيل
دون الحقوق احلوق والله لاأوّريه دون الحقوق احلوق =يا طول وادي النيل يا شين شوفه يا طول وادي النيل

ناصر


يلقى العشاء مرقوق وسهيل نغليه يلقى العشاء مرقوق = ونحشّمه بالحيل ونشّد اذانيه ونحشّمه بالحيل
الذوق مابه ذوق يالله تعافيه الذوق مابه ذوق =يالي تعدل الميل وشلون اوصوفه يالي تعدل الميل

سهيل


الشايب المطفوق راسه نعرقيه الشايب المطفوق = ياقف سوات الفيل واقف وقوفه ياقف سوات الفيل
الدينمو محروق بان الخلل فيه الدينمو محروق = ضاع الوزن والكيل ياهي حسوفه ضاع الوزن والكيل

ناصر


شر الكلاب الطوق شغله براعيه شر الكلاب الطوق = ملحه يشيله شيل جعله ذلوفه ملحه يشيله شيل
ياغراب يا غرنوق راس الدبر فيه ياغراب يا غرنوق = وشلون شغل اعقيل يوم النكوفه وشلون شغل اعقيل

سهيل


والله لا اعوقه عوق للقبر اوّديه والله لا اعوقه عوق = وانكّله تنكيل مامنه خوفه وانكّله تنكيل
وش جاك يا فاروق باسمه نسميه وش جاك يا فاروق = لا تنتفخ بالحيل جرمك نشوفه لا تنتفخ بالحيل

ناصر


لو اشتري له طوق وارباه واشيله لو اشتري له طوق = يا حليلكم يا حليل علمي يطوفه يا حليلكم يا حليل
جزّ الرحى مدقوق بسموه اذانيه جز الرحى مدقوق = مافيه ضرب رحيل من بعد شوفه ما فيه ضرب رحيل

سهيل


قولوا لشاوي النوق ابازعله وارضيه قولوا لشاوي النوق =ليته بريع اهذيل ماهي حسووفه ليته بريع اهذيل
ماكلت مالمسلوق منتب تدانيه ماكلت مالمسلوق =يا شين بعض الجيل من كثر صوفه يا شين بعض الجيل

ناصر


ماله وراي حقوق يا قل صافيه ماله وراي حقوق =من يوم طال الطيل ويش امعروفه من يوم طال الطيل
الدود بخشم النوق ماهيب توذيه الدود بخشم النوق =جاك الخبر بالتيل واكلوا خروفه جاك الخبر بالتيل

المرجع /
مكتبة اخوكم / منصور ابن فهيد (( النويري )) .

لاهنت على النقل الجميل يامنصور واتمنى ان تزودنا بغيرها من المحاورات للشاعر الكبير ناصر ابن سرحان الشيباني

ياهلابك ياذيب ..
وابشر بسعدك يالغالي ..
ويعطيك الف عافيه على حضورك ..
تحياتي وتقديري ..

اخوي الغالي

منصور بن فهيد (النويري)


لاهنت على النقل الشيق

حياك ربي ياذيب الحنابج ..
ويعطيك الف عافيه على مرورك من هنا ..
وتسلملي يالغالي ..
تحياتي وتقديري ..

صحت السنت الشاعرين الكبيرين , ناصر بن سرحان وسهيل , ورحمهم الله رحمة واسعة

بيض الله وجهك يامنصور , وعادتك ماتجيب غير الجزل والنادر , وفي انتظار مشاركاتك القادمة




تحياتي

لاهنت على المحاوره الجميله
وننتظر جديدك
وتقبل التحيه

اخي العزيز ابن مشيب ..
كم اسعدني حضورك وتشريفك ..
ويعطيك الف عافيه يالقرم على تواصلك ..
ولاهنت يالغالي ..
تحياتي وتقديري ..

الغالي : سهم العضيان ..
الف شكر يالغالي على حضورك وتشريفك ..
وتسلملي يالغالي ..
تحياتي وتقديري ..

بيض الله وجهك .. يابن فيهد .





ولو ماعليك امر .. .



تنزل محاورات .. ناصر بن سرحان اللي عندك .. او ترسلها علي ايميل ..



fddo777@yahoo.com


والله لي مده .. وانا ادور له محاورات .. مالقيت الا ثلاث ... بس ..




وبيض الله وجهك

تسلم والله يبن فهيــــــــــد على هذي الرائعــه

واختيار موفّـق ويدل على ذائقتـك الشعريـه


تحياتي . عامر

الله يعطيك العافية يابن فهيد