أنت ياسلطان شاعر وتعرف ومخبور

ياسلام الله سلام ً يزيد النور نور=من هجوسً وافيه ماتغير دلها

أنت ياسلطان شاعر وتعرف ومخبور=شد حيلك ثم هات السوالف كلها

مرحبا بك بالنيابه عن طوال الشبور =والسوالف يالعتيبي تجي في حلها
لو نبين لك بعض مانكنه فالصدور =كان عفتك سيوفك اللي تجي مستلها

..

الله الله .. بدايات جزله ..

وصحة السنتكم يا شعار ..

والليل الليل

جاك شاعر من هل الشعر لايمكن يبور=المعاني فاهمن دقها من جلها

يالجذع ياصاحبي لاتلف ولا تدور=العلوم اللي تضيق دروبك خلها

جاني اللي مااجهله فالورود وفالصدور =لو تجيه الكلمه المبهمه ماحلها
قالط فوق الشحم وانته تكر القدور =لاتراسلك النشاما ولاترسل لها

لاتعذر يالجذع وانت منته بمعذور=البعير اليابرك للحمول أ يشلها

الزمان ايدرو خلك على الدنيا صبور=وانتبه واللي يعقد الحبال ايحلها

ياولد عم على المله تحج وتزور = باقي لك كم فريضة توض وصلها
انتظرها بالسنه وانتظرها بالشهور =وكان جات مقبلة فالليال اقبلها

....
ابونجر حياك الله واسعدنا
تواجدك

يالجذع ماقول فيكم خلاف ولاقصور=مار حنا عزوتن كلكم في ظلها

لاتعسر وانت منت أبعلا العسر أمعسور=العلوم أتمر وش فيك ماتفطلها

كلنا عتيبه سوى فالدعاوي والامور =وانت ضمن اهل الوفاء مانته بعم لها
ماشي كل الدير سابح سبع البحور =والسوالف ماتعدى وانا صاحلها

الليالي أدور والله يكافيك الشرور=اصبر ولن طبلت يالجذع طبلها

ماغدا تاريخنا من قديمات العصور=وانت تمشي فالدير مار ماتحتلها

لاتسوي فالزمن مثل حفار القبور =انتبه للدرب وانقض لها وافتل لها
كل دار بنجد ألي داخله بيت معمور =بارك الله في جدود هذا ورث لها

ماعلي اخلاف لأ كن دمك لا يفور=والجذع مثل الثني والكبود ابغلها

أنت وش سويت في نجد طير مع الطيور=مار بعض اعلومك احفرلها وادفنلها

انت غايب لو نشوفك مع صفوف الحضور=حجتك فيها خلل وسط مويه بلها
كان غرك فعل ربع لهم في نجد دور =ناقصين العرف بالله ويش اعمل لها

عن لزمي ماتغيبت واحكم كل شور=مار ميز وش حرام العلوم وحلها

مانغر من السنع وانت بالحيل أمغرور=كم وصلنا علوم ً محدن قدر ياصلها

صح السانك

فمان الله

والجايات اكثر

صح بدنك


وتشرفنا

صحت السنتكم


بياض زجيه