حبيبي لاتروح وكان ماتقدر وتبغى تروح = دخيلك لاتفكر يوم يامحبوب تنساني ...

بسم الله الرحمن الرحيم

السلام عليكم ورحمة الله وبركاته

اقدم لكم هذه القصيده الكيبورديه
وامل ان تعجبكم ..


حبيبي لاتخليني وترحل ياعديل الروح = وانا دونك مااعرف اسمي ولارقمي وعنواني
ترى قربك معه عمري سعاده غامره وفروح =وغيرك مايهم ولو يجي ويطق بيباني
معك طعم الحياه وشهدها في داخلي مسفوح=معك وقتي أحس انه يخالف كل الاحياني
اذا خليتني وابعدت قلي وين انا بااروح = أهيم بخطوتي في كل يوم بعالم احزاني
دخيلك لاتخليني وحيد وخافقي مذبوح = دخيلك يابعد كل العرب ووجيه خلاني
احس ان كنت جنبي بالدفا وترد فيْ الروح = وقلبك عارف انه ممتلي عطف ٍ وتحناني
أحبك واهتني لاجيتلك صادق ونا مجروح=وشوفك بلسم جروحي الا من كنت تعباني
حبيبي لاتروح وكان ماتقدر وتبغى تروح=دخيلك لاتفكر يوم يامحبوب تنساني
وانا ماني بناسي ياحبيبي لو تزيد جروح =وحبك وسط قلبي حافره ماهو بيخفاني


وسلامتكم ..
تحياتي وتقديري .. بدرعيد ..

..
.
ابداع صح الله عليه لسانك
...

صح لسانك يابدر ..
ولاهنت يامبدع .. نتظر أبداعك ..

الشاعر مرزوق العتيبي : صح بدنك
والله يديم لنا شرواك يالقرم ..
تحياتي وتقديري .. بدرعيد ..

الاخ الغالي السميري صح بدنك ومتابعتك
تشرفني طال عمرك والله لايهينك ...
تحياتي وتقديري .. بدرعيد ..