مطيري من استراليا

بيض الله وجيه كل من قام على هذا المزاين واخص بالشكر عوانينا العتبان . والله اني من اشد المتابعين للمزاين عن طريق الانترنت لعدم استطاعتي الحضور لظروفي الدراسيه اللتي ابعدتني لاستراليا
على العموم اقدم اشد اعجابي واقول انه واحد من افضل المزاينات اللتي تم اقامتها واللى الامام
وبيض الله وجيهكم

حياك الله

ونتمى لو كنت موجودا معنا على ارض الواقع

ولكن سوف نحاول ان نضع كل شي في المنتدى

مع العلم انه لانتسطيع ذكر كل شي لان الملتقى اكبر مما نتوقع

ولك تحياتي

الله يحييك يامطيري أستراليا ..

عواني .. وجيران ...ورفاقه ..

والله يردك سالم وشعورك ماهو غريب ..

والله يحييك بين أخوانك ...

مانعذرك يالبناخي لازم تحضر ،استراليا والاغيرها :) الطيرات موجودة وكل شي قريب ، تعال وترا خوالك مايقصرون ان ماشالتك الارض تشيلك عيونهم ، وان كان ان عندك راي ثاني ترانا شدينا وسوينا مزاين عتيبة في استراليا ... على الاقل قارة ومتوسطة بين القارات وليامنا بغينا عازة منا والامنا لايكل القارات قريبة :)
ياخوي معذور وشكرا على شعورك وعسا الله يوفقك في دراستك ...

الله يستر عليك يا المطيري ويردك لاهلك وانت بخيررر والله يحييك بين ربعك عتيبه

وانت ومطير اهل محل وماتتحتاجون عزيمه

مشكور على هذا الشعور يالمطيري تجاه ربعك عتيبه ومتابعتك للمزاين من استراليا ماهو الا تاكيد على حرصك لمتابعت دولتك واخبار قبايلها وعتيبه تشكرك وتشكر جميع من ابدا اعجابه بهالمزاين

الله يحييك يامطيري أستراليا ..

عواني .. وجيران ...ورفاقه ..

والله يردك سالم وشعورك ماهو غريب ..

والله يحييك بين أخوانك ...

يعلم الله كل ما جانا شكر من قبيله يزداد حب قبيلته باكملها في قلوبنا ويحسسنا هذا الترابط القبيلة تحت رايه التوحيد بان هناك شيئاً قادماً سوف نتفق عليها جميعاً كسعوديين والله اعلم لان الامور تسير على عجلة الحب والالفه والالتحام بعضنا ببعض والتقارب بيننا بالمودة وتوحي بهذا الشي


امطيير والمطران سيوف ن سطاير ....

تقبل المودة لك ولي قبيلتك العزيزه

بسم الله الرحمن الرحيم
السلام عليكم ورحمة الله وبركاته

شكرا على شعورك ولاهي غريبه عليكم ياحمران النواضر جيران وعواني وخوان

اخوي حافي اصل وشهوله اتودي المزاين هناك استراليا مليانه نياق وفيها مزايين نروح لستراليا وننصب النا خيمتين على قدنا في نفود استراليا ونعزم المطيري والله يستاهل ههههههههههههههههه

وتقبلوا تحياتي

انت في استراليا بجسدك وفي الملتقى بقلبك وهذا شعور غير مستغرب من رجل من قبيله لها وزنها ولها مكانه لدينا ابناء عم وعواني .
اهلا بك وكان ودنا نشوفك انت وربعك في الملتقى ولكن يكفي انكم في قلوبنا قبل كل شيء .....

الاخوان يجتهدون لنقل الحدث عبر الانترنت والقنوات الفضائيه ولكن على ارض الواقع اكبر بكثير من ذلك .....

وفق الله الجميع ....

حياك الله

والله يوفقك في دراستك

هلا وغلا مطيري شرفتنا



والله يوفقك ويردك سالم للوطن يالغالي

يا مرحبا فيك وفي كل القبائل



والله يحيكم



في اي مكان كنتم


تحياتي

اشكركم جميعا وهذا والله شعوري وشعور كل واحد واخصه ربعي مطير تجاه جيرانا وعوانينا العتبان وانتم منا وفينا ولاكن كما قال الشاعر
من يحط اذنه على كل سماعه*****جاه فرقا مابعدها تجماعي
والردي الحسود المفرق ماله مكان بيننا

مشكور اخوي المطيري والله انك تستاهل حبت خشم من بعيد

الله يوفقك

انعم واكرم بك وبقبيلتك مطير حمران النواظر , وغير مستغرب هذا الشعور الطيب من اهل الطيب , والله يوفقك في دراستك , ونسال الله ان تعود لارض وطنك سالم معافا حامل الشاهدة الفخرية


تحياتي