عقاب العتيبي تقدم

يا مرحبا ياعقاب لا ترتاع والمسرى طويل=انته ليا جات المواقف يالعتيبي قدّها
شفت المخايل خيلت والسيل عيا لا يسيل=وان كان تدري بالخبر هات العلوم وودّها

الك البقا يانايف الروقي وخذ علمٍ جزيل = ماباح سدّي لو كثير الناس بيّح سدّها
الطرقي اللي سار فالديره ترا قبلك دليل = عينن يداويها وعينن يبن ملحق سدّها

ياعقاب حنا مانبا منك الكلام المستحيل=لكن ياراع المطية لاتميل شدها
حنا رسمنا لك هدف معروف ياراع النجيل=مار انتبة لاتبني الامجاد ثم تهدها

مانيب اميل ولو كثير الناس فالطرقه يميل = لكن لاجت هرجةٍ واجب عليّه ردّها
اثرك لك نيه وانا خابرك رجّالٍ حليل = طافت عليك ارتح وعينك لاتزيد تلدّها

كم قلت لك بعد شرار الزند عن خشم الفتيل=وكم قلت ياراع السوالف لاتعدى حدها
ترا الضماير صافية لكن يازبن الدخيل=النا س في شقر العصا ماودها ماودها

انا معك لكن حطيتلك من دوني عميل = لا شفتني ناديت له قبل العلوم اتعدّها
عينك تناظر للجدي خلك مكانك ياسهيل = تغيب عام وعدت ثاني للنجوم اتضدّها

انا عميل اهل الوفاء ماعامل الراس البخيل=وانتة ما ذمك في المواقف واليمين اتمدها
ترا كثير الناس ماجالة على الدنيا حصيل =ياعقاب لاترجع سوات اللي تعشت بدها

الله الله

صح لسانك يا نايف




وصح لسان عقاب العتيبي


ولاهنتوا

ان طول المشوار والمسرى تقول الليل ليل = دوّر على روس النوايف وادِّرق في سدّها
مايرتكي للكايدات من الحمول الا شعيل = ومن القهر لاتكون مثل اللي تصفّق خدّها

الفــــــالح

مروركـ ومتابعتكـ غير

يبوفــــلاح ,,,,تقديري ومودتي..

الفالح صح بدنك

مرورك يسعدني

عقاب العتيبي صح لسانك وتصبح على خير

نايف الروقي

علم في مثل مستواك فالمحاوره

حصل لي الشرف بمحاورته وسعدت به كثيرآ


لاهنت طال عمركـ وتصبح على خير,,,,,,,,,,,,,,,

اقوووووووووووووووووووول


الله يبيض وجيهم طاروق يستحق الشكر



فلله دركما