الشاعر حبيب الحربي والدياحين

الشاعر حبيب عواد العريمه الحربي غني عن التعريف من سكان القصيم عمره تقريبا 60 سنه
سكن تقريبا حفر الباطن وجاور المطران
وكتب قصيدة مدح في مطير وخاصة في فخذ الدياحين من مطير وذكر منهم بن معلث الديحاني وربعة



يقـول مـن يشكـر المعـروف بالقافـي = قافـن بنـاه العريـمـة مــن هناديـبـه
يا ذيب.. مـا يدفـن المعـروف بالسافـي = يـا كـود عفـن(ن) رديـات مجاذيـبـه
قالـوا لنـا : عِشـرة المطـران تنعافـي = واللـي عرفنـا مـن المطـران ياطيـبـه
والله مـا اصـدق بعرفـي كـل عَرافـي = وانـا مـن اللـي عرفهـم مـن تجاريبـه
زرنـا الشمـال ولقينـا مكـرم الـلافـي = الصاحب اللي عسـى الايـام تبطـي بـه
لي بين واصل وعلـوى صاحـب صافـي = ومعارف ما بهـم شـك(ن) ولاريبـة (1)
علوى هل الصيت الابيض والمثـل كافـي = وواصل من اطيـب قبايـل نجـد ندريبـه
منهـم عشيـري سعـود الاول الـوافـي = وسعد وابوهم علـى وضـح النقـا شيبـه
وعبـدالله العيـد لـه بالجـود ميقـافـي = عشيـري اللـي هـو الثانـي بترتيبـه(2)
ربـع(ن) وفاهـم لنـا ملمـوس ويشافـي = ومن عز نفسـه وربعـه عـز اصاحيبـه
وحمـد عقيـل فـداه الـقـادر الخـافـي = ليا قال قول(ن) عريب السـاس يافـي بـه
وعاشرت منهـم رجـال مـا بهـم جافـي = مـا فيهـم اللـي تـردى عـن مواجيبـه
الكـل منهـم بعيـد شـبـوح وسنـافـي = لو قالوا الناس ما آخذ بـه ولا اعطـي بـه
لمطيـر عنـدي شهـادة حـق وانصافـي = قـول علـى فعـل والعالـم تغنـي بــه
-كون العوارض فريد(ن) ما له اوصافـي = مع شيـخ شمـر ولا طاعـوا مناديبـه(3)
-يوم الرقيبـة رقـى فـي راس مشرافـي = قال اعتـزوا يالعـوارض شفتلـي ريبـة
وفـازوا بيـوم فيـه الاريـاق نشـافـي = من طلعت الشمس ليـن انحـت لتغريبـه
وسبع العبيـات منهـم شـاف مـا عافـي = علي الخليفـة وطشـوا مـن مراكيبـه(4)
بمسلبـات لهـن فـي الـقـاع رجـافـي = من كل شبـل(ن) عطيبـات(ن) مضاريبـه
وابـن معلـث شريـف السالفـة لافــي = اللي جلا مع ضيوفـه عـن معازيبـه (5)
عقيد جيـش(ن) يحوفـن حـمّ الاشعافـي = كم شيـخ قـوم(ن) كِفـى مليـا مشاريبـه
يامطيـر يـا طيبكـم مااطيـع الاجحافـي = وهرج العرب ضدكم مااسمع به ولااوحي به
والنـاس فيهـم هلـل واربـاع وأنصافـي = وفيهم شبـه كامـل تقصتـن مطاليبـه(6)
ياساتـر العيـب يالله سـتـرك الظـافـي = الله من اللـي يعيـب النـاس فـي عيبـه
لوفتشوا بـه لقـوا بـه حـدر الاظلافـي = عيب(ن) يجيبه جديد وعيـب مبطـي بـه
تمـت ورد الثنـاء مـن طبـع الاشرافـي = واللـي يـذم ويعـم الـنـاس والخيـبـة

العز والعزوهـ

ابن العم ( الشطيطي )

لاهنت على النقل الطيب ..

ونعم بلابتي مطير من الحد للحد

ونعم بكل القبايل .. والله يرحم لافي بن معلث

ويرحم جميــع المسلمين ..

صح لسان الشاعر حبيب الحربي...ونعم بمطير ويستاهلون ...

لاهنت اخونا الشطيطي. على نقل القصيده ..والله يقويك..

الشطيطي ماقصرت على هذه القصيده الرآئعه

ونعم بالجميع يالغالي


محبك
.,

بدر الديحاني

تستاهلون المدح

واشكرك على المرور الجميل

تقبل تحياتي

هايل العتيبي

ماعلاك زود يالقرم

ومرورك نور الصفحه والموضوع

تقبل مروري

صح لسان الشاعر حبيب الحربي...ونعم بمطير ويستاهلون ...

لاهنت اخونا الشطيطي. على نقل القصيده ..والله يقويك..

ونعم في مطير قبيله غنيه عن التعريف وصح لسان الحربي

ولاهنت يالشطيطي على النقل

صح لسان الشاعر حبيب الحربي...ونعم بمطير ويستاهلون

ونعم بمطير وصح لسانك ولسان الشاعر




ومشكور ماقصرت

والنعم بمطير كلهم


ويستااااااااااهلون المدح


وبيض الله وجه الشاعر حبيب الحربي

والله والنعم بالمادح والممدوح