يالشطيطي خــلهــا بيني وبينك عـــالميّة

احمر العين وش حالك؟ :)



يالشطيطي خلّها بيني وبينك عالميّة = لين نفتح سدّ مآرب باليدين وبالمساحي !!

يوم جاني علم من يمّك يضحّكني شويّه = اشهد انّك يالمطيري صقر خفّاق الجناحي !!

أيـــــــــــه ...

صح لسانك يا فواز ...

وبنشوف خفاق الجناحي وصح لسانه مقدما ً ..

تقبلوا مروري ...

ارحب ياقااااادح


نورت يابعدي

الله يجمل حالك يالذيب

وابرك الساعات والله

مرحبابك ياهلابك عدها روحه وجيّه = والوعد من بيننا يا صاحبي نور الصباحي

محتسيهم بالصقيل ومحتسي بالنافعيه = ان بغوها جد يا فواز ولا بالمزاحي

قادح شرار

صح بدنك يالغالي

ومنورنا بتواجدك

الله الله



لدّ في حيد الجبل وتشوف عنزٍ عارضيّه = قوم لين نرد مذهوب النّشاما للمراحي !!

والله انّك منت عيّه يوم انا ماني بعيّه = مار من يبغا كفاح القوم يبشر بالكفاحي !!

ههههههههههههه ..

مجرمين والشاهد الله ... بس يبالكم شغل ..

طالبك ياصاحبي لاتزيد كي الجرح كيه = نص معزا القوم يافواز مبداها النطاحي

شلة الارهاب تشتم نهج ربي مع نبيّه = والله انا مالقينا بينهم رجال صاحي

ههههههههههههههههههههههه


الله الله


العلوم الها مفسّر والنّشاما مرضويّه = لاتحسب ان الحيا موجود يوم البرق لاحي !!

الله الله لو تهب الشام ولا العقربيّه = ولو يسيل السّيل يامقوى حصاتك يارزاحي !!

ميسي فالنار يافواز دام النار حيه = والمريض بميسمي بأذن الولي همه يزاحي

اشهد ان عزوم قلبك يا ولد عايش قويه = تفلج الصفين والهيبه على روس الرماحي

الله الله



صادق اللي قال خندف ساس شي اسمه حميّه = يالشّطيطي والله ان الفعل غير اعن الصّياحي !!

الشّطيطي محزمي مدري سلاحٍ في يديّه = وان زهمته ماوردت الا على العد القراحي !!



المبدع دائما زيااااد الشطيطي

صح لساانك يالقرم

كل الشرف بمجاراتك

والى لقاء قادم

الختام من عندك طال عمرك

ابك هاذي ما تبا مفتي ولا حاكم قضيه = كاسبين الاوله لاهنت في كل النواحي

وانت يافواز تنطح من عيال القوم ميه = ثم راحو كلبوهم مع مراويح الرياحي



صح بدنك يا فواز السعيدي

وصح اللسانك والشرف لي طال عمرك

والبايت اكثر من الفايت ان شاء الله

تصبح على خير

الله الله

صحت السنتكم

فواز السعيدي & زياد الشطيطي

مبدعين والله لايضركم

مــهندس الكلمه

ابــوهــلا


صح ابدانكم ومنورينا بالمرور العطر