تل قلبي تل غرباً تروح ابه وتجي ...حايلا تقفي وتقبل على قامة سجا

تل قلبي تل غرباً تروح أبه وتجي=حايلاً تقفي وتقبل على قامة سجا
والضوامي جاين الها على العد علجي=وردها ما وافق الورد في ليلة دجا
والسبايب صاحبٍ راح ما اطرالي مجي=ومن طرف معوادها قاطع حبل الرجا
ما بقا الا التيل يبرد فوادي ووهجي=كل ما كلمتها خففت جرح لجا
ان دلهت شوي عيني تنام وتسهجي=وأن ذكرته شب له نار في القلب وهجا
أتذكر صورته وأتذكر مخرجي=ويوصل الهاجوس قلبي جبل سلما وأجا
اتخيل لي جدايل عليها دلجي=والنحر والخد براق والعين دعجا
لو اطيع الرجل يمه تشل وتدرجي=مير من يتبع هواء النفس منها ما نجا
ويش اسوي يا ابو خالد بهاك العسوجي=أنت الي في الازماللي يكلفني حجا
فيه نوع من الدعاوي يضيعٍ حججي=والله اللي يقضي الشان واله الملتجا


للشاعر / مقحم بن دحيم الغنامي

الله الله ياسلاااااااااااااام ياسلاااااااااااااام وين هالشاعر عنّا يالاّد غنــّام ..

ماشاء الله عليه والله انّه يسخرها سخر ,,, صحّ لسااااااانه مليون ولاهنت على النقل يابن العمّ ,,

صح الله الساانه قصيده جززله


لاهنت يابن غنام

سلمت على النقل يا الاد غنام
وصح لسان ابن دحيم مدد بلا عدد

عبدالمجيد العطاوي

صح بدنك بالنيابه وعافاك الله وابشروا بالجديد

فعلا .. درر ثمينه .. لله دره

ماشاء الله عليكم يالغنانيم .. بحور في الشعر ..

تستاهل حبة خشم :)

تحيتي
...

الوفا طبعي حياك الله انت طيب

ابو ظيف الله عافاك الله

محمد العتيبي انت طيب واصلك طيب ماعلاك زود شكرا