قمة الشموخ.... والوفاء....

كتبت هذه القصيده في والدي الشيخ /شلواح بن شلاح بن شليان العتيبي حينما كان مريضاً في العناية المركزة .

وكنت واقفاً بجانبه وحينما صحى وللوهلة الأولى سألني قائلاً هل وديت للربع قوده؟

والقوده هي مايقدمة أبناء العمومه لأبن عمهم المتزوج كواجب ورفد

فاأتضح لي رمز الوفاء وشموخ الأصل بإن يكون الشخص بين الحياة والموت

ويسأل باهتمام عن هذه الأمور فهاضت قريحتي بهذه الأبيات المتواضعه

قمة الشموخ و الوفاء




سلمت ياشيخ (ن) على حق مثبوت=شيخـة أبـوه وساسهـا مـن جــدوده
ماهي بشيخة مال وإنفـاق وبشـوت=مـن حـد سيـف(ن)بـان فعـلـه وزوده
يوم البشـر تاكـل بعـض كنهـا الحـوت=جــده بـنــى بـيـتـه وجـــود عـمــوده
قائد مقاط اللـي كسـر حاجـز المـوت=أن خيـلـت والـحــر ب دنـــة رعـــوده
لــه طعـنـة يذبحبـهـا كــل طـاغـو ت=وعلـى رقــاب الـقـوم بصـمـة زنــوده
عـز وفخـر ماعشـت يـابـوي مبـهـوت=جـدك وأبـوك إمـغـرق الـنـاس جــوده
وأنت الكريم اللي قسم لقمة القـوت=يوم الفقر والشـح ماهـي إمحسـوده
وأنت الحكيم اللي سفه كل هلفـوت=ويحـب ربعـه لـو بـرى الـوقـت عــوده
بين الرجى واليـاس ويعيـش ويمـوت=قـام وصحـى والمـوت ممـكـن وروده
صحى وناظر والبشـر حولـه إسكـوت=ومـد النظـر لـيـن إستـقـرت حــدوده
فــي خـاطـره حـاجـه ولا وده تـفـوت=لـــو الـيـالـي والـسـنـيـن مــعــدوده
لـزم يميـنـي شـدهـا شــد بالـكـوت=وده يبيـح هـرجـة (ن) مــن ســدوده
تخيلـوا وش قـال لـي وأجهـر الصـوت=يــقــول مـاوديـتــو ا الــربــع قـــــوده
ماضـيـع الرفـقـه ولاشـاتـهـا شـــوت=أصـيــل وافـــي والـيـالـي شـهــو ده
ومـن لاعـرف قيمتـك بايـر وممـقـوت=منـزلـك مــن فــوق الـثـريـا حـــدوده


/



/


عبدالاله بن شلواح المقاطي.

0

- موقف بطولي إنساني ، و وفاء لا يصدر إلا من رجال أنقياء ،

و أمارة الأسرة معروفة و قد واكبت القصيدة الحدث إلى

مدى بعيد و الله الموفق .