11-Apr-2010, 12:37 PM
قصيده مرثية في الشيخ / هابس بن حوال بن عميره رحمه الله رحمة واسعه
ياسحاب الصيف قبل الصيف لايدخل حسابه
يالمزون اللي سكر نسناسها واسكت رعدها
هل صاف الغيث خل الغيث ينزل من سحابه
وعلّ قبر اللي يده بالطيب والفزعه فردها
لين قبره بالبختري والنفل يكسي ترابه
حشمة ٍ للقبر من حشمة عزيزٍ في لحدها
قبر ابو حوال جعل السندس الأخضر ثيابه
وبين حور وجنة الفردوس ينعم في رغدها
يالإلهي طهره ومن الذنوب اغسل جنابه
غسلةٍ بالماء وغسله ثلجها وألا بردها
يالله أنك ترحمه وتعوض بالجنة شبابه
وانزله بالخلد واقبل كل سجده لك سجدها
راح شيخ المرجله والطيب يا مكبر مصابه
طاح ركن من القبيله طيحة ٍ مكبر لهدها
والله أن الدار موحش و الوحش والله غيابه
يفقده من يعرفه حتى صغارٍ في مهدها
الكريم اللي عن العربان ما قد صك بابه
البشوش اللي له الفزعات ما يحصى عددها
له مكانه فالقبيله بالمعزه و المهابه
وارد ٍ عد المراجل يوم غيره ما وردها
سيف عز إن سل ّ تلقى العز في سلة نصابه
يوم بعض سيوف من يزعم عن الفزعة غمدها
يقتلب كنه سوات الذيب من بين الذيابه
ماتضيق دروب قدمه ون وعد يوفي وعدها
تشتكي فرقاه روق و تشكي الفرقا عتابه
وتشتكي فرقاه نجد اللي يصافحا بيدها
الشاعر/ بدر بن مويسان وجب المغيري
ياسحاب الصيف قبل الصيف لايدخل حسابه
يالمزون اللي سكر نسناسها واسكت رعدها
هل صاف الغيث خل الغيث ينزل من سحابه
وعلّ قبر اللي يده بالطيب والفزعه فردها
لين قبره بالبختري والنفل يكسي ترابه
حشمة ٍ للقبر من حشمة عزيزٍ في لحدها
قبر ابو حوال جعل السندس الأخضر ثيابه
وبين حور وجنة الفردوس ينعم في رغدها
يالإلهي طهره ومن الذنوب اغسل جنابه
غسلةٍ بالماء وغسله ثلجها وألا بردها
يالله أنك ترحمه وتعوض بالجنة شبابه
وانزله بالخلد واقبل كل سجده لك سجدها
راح شيخ المرجله والطيب يا مكبر مصابه
طاح ركن من القبيله طيحة ٍ مكبر لهدها
والله أن الدار موحش و الوحش والله غيابه
يفقده من يعرفه حتى صغارٍ في مهدها
الكريم اللي عن العربان ما قد صك بابه
البشوش اللي له الفزعات ما يحصى عددها
له مكانه فالقبيله بالمعزه و المهابه
وارد ٍ عد المراجل يوم غيره ما وردها
سيف عز إن سل ّ تلقى العز في سلة نصابه
يوم بعض سيوف من يزعم عن الفزعة غمدها
يقتلب كنه سوات الذيب من بين الذيابه
ماتضيق دروب قدمه ون وعد يوفي وعدها
تشتكي فرقاه روق و تشكي الفرقا عتابه
وتشتكي فرقاه نجد اللي يصافحا بيدها
الشاعر/ بدر بن مويسان وجب المغيري
