عبد المجيد العطاوي ,, تعال اباك في علم

اسعد الله مساك يا عبدالمجيـــد



8


8






مرحبا بالشاعر اللي له ثلاث اشهور غايب = ولا يعلمني ليا منّي نشدته عن غيابه
الوكيل المعتبر ماله يبو فيحان نايب = وانت رجل ٍ ما علاك اقصور تصلح للنيابه

الله الله


صح لسانك يانواف



فجعني عنوان الموضوع ههههههه اكتشفت انك كنت مسرع



متابع



وصح لسان عبد المجيد مقدما

ههههههههههههههههههه
ههههههههههههههههه



عز الله انها السرعه



صح بدنك يبو عايش


ولا هنت على المرووور والتنبيه




_______________________________________
اتمنى ان احد المشرفين ولا الاداره يعدلون العنوان

الله الله ياخيال الصفراء صح لسانك وصح لسان العطاوي مقدماً.

حياك حياك

,,



البقا بالشاعر اللّي مايسدّ الاّ النوايب=والنوايب ما وقفها غير من حظّه نوا به
انت قايد مار ماانته ضمن قيّاد الكتايب=يمكن انّك كاتبٍ محصور في حدود الكتابة

الله الله ،، صح لـسآنك يآراع الـصفـرااء ..

وصح لسآنك يآلـعطآوي ولآ هنت ً ، ’



متـآبع !!

,,


هههههه حياك الله يابو عايش والعنوان مااحدٍ بداري عنه لاان انّك ثوّرت بندقك الله يعافيك دايم وانت مزهبها مار يجي لك يوم وتعوّّد علاك ياراعيها :)

جعل ظني ما يعود فيك يا رجال خايب = وكان خاب الظن صارت بيني وبينك حرابه
ادري ان العسكريّه تقبلك منته بعايب = وادري ان السيف عزه يالعتيبي من نصابه

الله الله

خيال
و
وعبدالمجيد

صحت السنتكم

,,



مايخيب الظنّ زال الرمي فالأهداف صايب=مار طعني خلّ شوحك من ورا حدّ السحابة
كان سنّك سنّ جاهل ,, خلّ عقلك عقل شايب=واعرف انّ الأجودي يسقى ثراه اللّي وطا به

والله انّا ما نباك تكون فالوقفات هايب = ولا نبا سيفك يطول ابه الزمن داخل جرابه
الصقر لن كان عيّا لا يطير (ا)من الزرايب = اذبحه , ولا اتركه , يا بو دلامه وش تبابه

الوكيل المعتبر ماله يبـو فيحـان نايـب
وانت رجل ٍ ما علاك اقصور تصلح للنيابه


انت قايد مار ماانته ضمن قيّاد الكتايـب
يمكن انّك كاتبٍ محصور في حدود الكتابة


ياسلام ياسلام


خيال الصفراء \ عبدالمجيد العطاوي

اجبرتونا على المتابعة


صحت السنتكم "

ابو فهد صححح بدنك



ولا هنت على المتابعه

ابو ريان


اشكرك على المروور العذب




وصصح بدنك



ولا هنت

خيال الصفراء


عبدالمجيد العطاوي



صحة الالسن

الله الله


ياسلام ياسلام


صح السنتكم جميعا

الله الله


ولا هنتوا


متابع

,,


الله اكبر لو يقلّ المسّ في جنوب النجايب=كان تلقى طمعة السبع القبايل في عتابة
ماسمعت الاّ الحكيم ولا سفهت الاّ الزلايب=وانت تكرم ياولد غنّام عن هرج الزلابة