وصل الغلا

في زحمة ابيـات القصيـد اتذكـرك=واكتب على كـف الدهـر مانسيتـك

لوطال بعدك ياهوى البـال عـاذرك=لوقـل وصلـك يالغـلا ماجفيـتـك

ماعاش قلبـي لويبـي يـوم ينكـرك=وشلون اعيش بـدون قربـك فديتـك

ارحل عن العالم وابا ارحل واجاورك=وابني مـن الاحـلام بيتـي وبيتـك

انسى ولا تجعل همومك تحاصـرك=لايهمـك العالـم مدامـي شريـتـك

اللي حصل غصبن علينـا واذكـرك=اني رغـم انـف المسافـه مشيتـك

انا ادري ان الوقت والناس تجبـرك=وادري تشفـق شوفتـي لابكيـتـك

اغمض عيونـي واحلـم واناظـرك=واشعـل قناديـل الامـل لاطريتـك

ياليلـي اللـي لاتضايقـت ساهـرك=وياصبحي اللي بان يومـي سريتـك

خايف من ريـاح العـواذل تغيـرك=وتهـد بيتـك عقـب ماانـا بنيـتـك

والا انـا منـك واليـك وابـشـرك=لوقـل وصلـك يالغـلا ماجفيـتـك

سليمان فهد السلمي العنزي

صح لسااااااااااااااااااااااااااانك

..

.
سليمان فهد صح الله لسانكــ يالوائلي
ابدعت ..

....

لاهنتوا ياجماعه..

ويشرفني تواجدي بينكم في هذا الصرح الشامخ....

وان شاء الل اكون عند حسن ظن الجميع..

يعطيكم الف عافيه....