لـو نلعـــــــــــــــب الكــــــــــــــــــــورة

السلام عليكم ورحمة الله وبركاته

هذه قصيده أعجبتني لأحد زملائي في أحد المنتديات الشعبيه

وهو الشاعر / زيد بن سعد بن جليغم القحطاني

وأحببت أن تستمتعوا بما استمتعت به من الشعر




لو الماضي كشف لعيوننـا المستقبـل بصـورة=وشفنا ويـش ترسـم قدمنـا غـرّات الايامـي
تغانمنا العمـر قبـل السنيـن تجفـف زهـوره=وغيّرنا المسار اللـي قتـل بالظلـم الاحلامـي
مسار(ن) ظلت ارواح الامانـي فيـه مقبـوره=خذلها الواقع اللي ما بعثها جـوف الاجسامـي
خذا منّا الكثير ومـد عقـب الكـره ميسـوره=وحنا كـان يغرينـا طمـوح المنـزل السامـي
ربينا في كنف ذيك النوايـا البيـض مشكـورة=سقتنا من معين اخلاصها لين ارتـوى الظامـي
تربينا على خطـة زمـان(ن) قفّـت عصـوره=باساليب البراءة مـا عرفنـا زيـف الاوهامـي
زمان كان فيه الصدق ما يحجـب علـى نـوره=يعيش الرجل من نجدة ذراعه لو هو اعصامـي
وكبرنا وانهزع غصن الرجاء وانفضّت طيـوره=توارت بالخفا والحـظ صـوّب بنـدق الرامـي
ولا ندري ندين الوقـت ونلومـه علـى جـوره=او نلوم النفوس الين ينـزف جرحهـا الدامـي
نعيش مسلسل(ن) فيه الغموض مسيطر(ن) دوره=غريبـة قصتـه وابطالهـا ضايـم ومنضامـي
وبين احداثها باتـت خيـوط النـور مستـورة=ولكن في النهاية لن يـدوم الجهـل مـا دامـي
تبين وانكشف زيف الغـدر للـي سبـر غـوره=وعرفنا سـر مـوت احلامنـا بيديـن ظلاّمـي
وسقنا العذر لانفسنـا وهـي لا شـك معـذوره=وسالمنا تحت ضغط الحيـاة وظلـم الاحكامـي
وسايرنا الزمـن والكـل منّـا تشهـق بـزوره=حسايف ضيعة(ن) يبطي وجعها طول الاعوامـي
فجعنا حاضر(ن) صارت به الجنحان مكسـوره=عكس كل المفاهيم وشرع لـه منهـج إلزامـي
توغّل في صفوف المجتمع ثـم خـدّر شعـوره=ونجح بمساعدة من روّجوا له عبـر الاقلامـي
تبنّى كل عضو(ن) غير صالح واصبح سطـورة=وقصر في خطوة طوال الشبور وطوّل اقزامـي
لو الماضي كشف لعيوننـا المستقبـل بصـورة=تركنا اللـي شغلنـا مـا عطانـا الا التندامـي
نعيـد آمالنـا فأفعالنـا لـو نلعـب الـكـورة=عساها تدعـم ارزاق اليديـن ارزاق الاقدامـي
=الشاعر / زيد بن سعد بن جليغم القحطاني

صح السانه ولسانك
رائعه

اشكرك

صح لسااااااااانه ولسااااانك

صح لسانه ومشكور ع النقل