لصار العطش واهل الرعيّة حلاحيل ..!!

تهيج الهواجس نوب في تالي اليل=وانزل بيوت القاف في منتداها.!!
لصار العطش واهل الرعيّة حلاحيل=وش خانة حلاحيل الرعيّة بماها.؟!

صح لسانك...

لاكن شروط القسم لازم الاسم الصريح..

تحياتي

لاهنـت ي حبيب ../ وانا امـس لعبت في هذا القسم ، ونزلت اسمي . مير مااشوف احد من المشرفين غيره ، يعني ماعلي شرهه وانا اخووك
كل الشـكر ..

الأسـم : صقر نايف العتيبي

تهيض الهواجس مارويش المحاصيل
لعلك توصلها ليا من تهاها


مدامك تقول اهل الرعيه رياجيل
رعيه وامنتها على من رعاها

على حسبة اهل الطيب يامواجة السيل=تغانم ثيابك لا تروح معاها
انا عارف اهل الطيب لصار تفضيل=لاكن البلا كلن (حسب) مستواها.!!

انا عارف اهل الطيب لصار تفضيـل

بيرق الشعر صح لسانك ولسان حبيب

لكن هذا الشطر قد يكون ضدك

لآء ، يامال الغنيمة .. ماهو بحولي ضنتي انك فهمت المعنى غــلط ..،
صـح بدنك ... وكل الشكر على المروور الطيب .. تحيتي ،،

وعلى حسبة اهل العرف ركابت الخيل

ماكل الشوارب تحتميها لحاها


ياليتك تحًـسب لليال المقابيل

على شان عينك ماتسبب عماها

الا ياحبيّب لاتوثق على القيل=مادام الحقايق مقبلة في سراها
الا ياخوي الدرب لايلحقك ميل=وخلك على الجرة ومشيت خطاها.!!

تبى تسوي الدله بليا معاميل
ولاكل من دور لحاجه لقاها


نصيحه لاتخطب من بنات المهابيل

تفشلك ويفشل بعدها نماها

مادام ابتلاك الحق .. لاتحط وتشيل=وفرق الذيابة عن سلقها .. عواها !!!
اثر راعي الطبع الردي لو لقى حيل=يعد العرب بأطباع شينة نباها..!!

اشوف العقارب مار ماتقرص اشعيل
بعيري ليا شاف العقارب وطاها


لياصار شوفك ماش ركب درابيل

لعلك تصيب الحاجه الي تباها

ليا شلت حبرن مايعّجزك تظليل=تمد الهروج ولا تلحق مداها.!
ليا شفت فرق الشوف فالصقر والفيل=عرفت الحقايق : يامناي ومناها

تشرفت ب المللعبة معك ي حبيب ، والخاتمة عندك .. إنة كان ودك بها

هقاوي ياماشالله توصلك لسهيل
وهقاوي تخيب هقوت الي هقاها

عتيبي ولانرضى علاك التهاويل

لكن الذيابه لاتروح عشاها

كل الشكر لك ... ولي الشرف العب معك

ولنا الشرف نتابع محاورة منتاز :)

صحت الالسنه وبيض الله وجيهكم


___

ولنا الشرف في مرورك العــطر .. صح بدنك وبيض الله وجهك ي الكايد

وفيتم وابدعتم شعراء لكم طابعكم الخاص محاورة كانت الندية وقوة البدع والرد

وجميل اللفظ والمعنى ---ابــــــــــــــــــــــــــــــــــــــد ا عــــــــــــــــــــــ

طاروق من العيار فوق الثقيل



مشكورين

الله لايهينك يامحمد..

عمير الثبيتي : لك كل الشكر على المروور الأكثر من رائع ..، وهذا من طيب ذوقك .. { كل الشكر لشخصك الكريم } تحيتي ,,،
محمد الذيابي : الثقيل مرورك .، لك كل الشكر على مرورك المشرف لنا ...، لآ عدمناهـ
تحيتي ..،