اقرب شاعر يتفضل
مساعد حمود العضياني23-Jul-2011, 12:50 AM
ياسلامي عليكم عد برق السحاب=من هجوس العتيبي يوم غنابها
يازمان العجب مدري زمان العجاب=ليش بعض المجالس مغلقاً بابها
مرزوق الصواط23-Jul-2011, 01:25 AM
مرحبا فالاياب ومرحبا فالذهاب= عند قومٍ قروم وتفتل اشنابها
كل حجه معك تلقى معنا جواب=والعرب تدمح الزله من اصحابها
مساعد حمود العضياني23-Jul-2011, 01:58 AM
البقا يالمرحب مير سج الركاب=ماتضيع المعالي وانت طلابها
الحظور المشرف قاتلاً للغياب=مايروم الجزيله غير كسابها
مرزوق الصواط23-Jul-2011, 02:20 AM
محتزم بالحزام ومكتسي بالزهاب=طرقةٍ ماتجيب الخير ماشقابها
يارفيع المقام ويارفيع الجناب=تعرف رموش بقعا وتعرف اهدابها
مساعد حمود العضياني23-Jul-2011, 02:38 AM
انتويت الصلاح ولاانتويت الخراب=صاحبك قمة الامجاد عدابها
من عطاك السوال يريد منك الجواب=ليش هالناس سرعه تفقد اعصابها
مرزوق الصواط23-Jul-2011, 02:53 AM
يوم جينا مساعد ياعرب ويش جاب=لا يدور على السكين وانصابها
صيدة الصقر ماهي مثل صيدة غراب=يوم بعض العرب مايحسب احسابها
مساعد حمود العضياني23-Jul-2011, 03:06 AM
نحسب لجية الابطال مية حساب=والعدا بالصقيل نقطع ارقابها
مايجيني من الاجواد كلمة عتاب=كلمتك يامسمى وانته ادرابها
مرزوق الصواط23-Jul-2011, 03:19 AM
ياعسى فالملاقا ماتذل وتهاب=تقطع الروس ثم تكسر انيابها
كان صكيت باب وكان فكيت باب=مشكله مير لا تبحث عن اسبابها
مساعد حمود العضياني23-Jul-2011, 03:30 AM
كلمتي محتميها في ليالاً صعاب=للفناجيل يامرزوق شرابها
كان صارت حياتك كلبوها اضطراب=شبها ياصحيبي وانت شبابها
محمد الذيابـــي23-Jul-2011, 03:35 AM
صح لسانك يامساعد
وصح لسان مرزوق
متاااااااابع
مرزوق الصواط23-Jul-2011, 03:44 AM
مارمابك زمانك بين ضرسٍ وناب=ولا بعد شفت حيتها ولا دابها
ماكسى جوكم ياهل المحاني ضباب=يالله استر على الاجواد بثيابها
مرزوق الصواط23-Jul-2011, 03:57 AM
محمد صح بدنك
ولاهنت على المتابعه
مساعد حمود العضياني23-Jul-2011, 04:03 AM
الجزيله تراها تنوخذ باكتساب=وادري انك بوقتك دوم جلابها
من ديار الوفا والطيب والجو طاب=والقبيله تراني كاسب اعجابها
بيض الله وجهك وصح لسااانك وتشرفت باللعب معك وقفل الطاروق يالذيب
مساعد حمود العضياني23-Jul-2011, 04:04 AM
صح بدنك يالذيابي واتشرف بمتابعتك
فايز بن سرحان الثبيتي23-Jul-2011, 04:08 AM
بيض الله وجيهكم
وافين وافين "
صحت السنتكم على هالقاف المميز "
مساعد حمود العضياني23-Jul-2011, 04:16 AM
بيض الله وجيهكم
وافين وافين "
صحت السنتكم على هالقاف المميز "
ووجهك ابيض
وصح بدنك والمميز مرورك ومتابعتك لاهنت
مرزوق الصواط23-Jul-2011, 04:18 AM
والله إنّك خويّ في طعام وشراب=ليلةٍ منت فيها كيف يسرى بها
ماعليكم قصور اكبار سن وشباب=قالةٍ تحمي الوديان واشعابها
ابيض وجه ياحمود وصح بدنك ولاهنت
وحياك الله في محلك
مرزوق الصواط23-Jul-2011, 04:22 AM
بيض الله وجيهكم
وافين وافين "
صحت السنتكم على هالقاف المميز "
ابن سرحان ابيض وجه
وصح بدنك يالوافي ولاهنت
عناد الشيباني23-Jul-2011, 06:23 PM
مرزوق الصواط23-Jul-2011, 06:25 PM
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
