مرثية .. بالشيخ . ربيع الذيابي العتيبي

السادة .. مديري ومشرفي واعضاء وضيوف الهيلا
السلام عليكم ورحمة الله وبركاته .. اما بعد
هذه مرثية . متواضعة في رجل المواقف الصعبة
والنخوة والكرم والشجاعة ..
انه الشيخ .ربيع مبطي الذيابي العتيبي
رحمه الله رحمة ٍ واسعة انه سميع ٍ مجيب
..
مع اعتذاري لكم عن الانقطاع عن المشاركات
وذلك لظروف خاصة مع تمنياتي للجميع بالتوفيق
والله يحفظكم ويرعاكم
اخوكم .. نايف قزعان الحويماني




مرحوم ياشيخ ٍ عزيز ٍ فقدناه = في ذمة اللي كلنا نلتجي له
الحكم لله والمقدر رضيناه = ولايملك المخلوق حيل ٍ وحيلة
عساه بالجنة مقره ومثواه = بين الغصون اليانعة والظليلة
والله يغفر زلته مع خطاياه = ويجبر عزاء نفس ٍ تعزت عليلة
شيخ ٍ طروقه بالمراجل مخلاة = حمله على حمل الجماعة يشيله
ياطيب راسه بالرجاجيل طيباه = عزّام شيّال الحمول الثقيلة
زيزوم ربعه والدعاوي تنصّاه = لغابت القمراء وتاه الدليلة
كل الدعاوي حلها ماتعداه = لكبرت الدعوى وصارت طويلة
بالراي والحكمة وبالعقل والجاه = حلاّلها بين العميل وعميله
كل المراجل حاشها باوّل صباه = هدّاج تيماء نبذة ٍ من قليله
ماتجمعه يمناه تفنيه يمناه = في مجلس ٍ كل النشاماء تجي له
والمدح يزها الشيخ والشيخ يزهاه = رجل ٍ هواه المرجلة والفضيلة
وخلف سباع ٍ بالمواقف مضرّّاه = شجعان لمال الدهر ترتكي له
وعساء السحاب اللي سراء وانتثر ماه = يمطر على قبره نهاره وليله
وتنبت رياحينه وتنبت خزاماه = ويضفي على دار العزيزين سيله
قوم ٍ لهم في ذروة المجد مرقاة = اولاد ذائب متعبين الاصيلة
بيوتهم للضيف دائم مبناه = قبيلة ٍ تسلسلت من قبيلة
واخر كلامي ينتهي عند مبداه = مرحوم ياشيخ ٍ فجعنا رحيله
نايف قزعان الحويماني

...
.

رحم الله الشيخ ربيع الذيابي
..
وصح لسانك يانايف وبيض الله وجهك
...
اخوك
...

اخوي مرزوق العتيبي
ووجهك ابيض يالطيب واكثر الله من امثالك
وصدق المثل . ....... مايقدم في قوم الا خيارها
وتقبل تحية اخوك......

نايف

...
..

صح لسانك يانايف

والله يرحم الشيخ : ربيع ابن مبطي

ويسكنه فسيح جناته


لاهنت يامبدع


مودتي

.

..

صح السانك يا نايف..

والله يرحم الشيخ ويسكنه فسيح جناته ويغفر ذنوبه..

..
ولاهنت يالجزل.


.
اخووووووك

صح لسانك يانايف

والله يرحم الشيخ : ربيع ابن مبطي

ويسكنه فسيح جناته


وبيض الله وجهك

الاخ والمشرف والعزيز .... خلف بن مرزوق
اولا . انا يفرحني ان اراء اسمك لاعدمناك
يابو خلف وانت طيب وبخير ياعزيزي
ثانيا ..... اشكرك على مرورك واطرائك
وكلامك الطيب
مع تمنياتي لك يابو خلف بالتوفيق
والنجاح يامشرفنا العزيز
تقبل تحياتي
اخوك .
الحويماني

الاخ والمشر ف والعزيز
مشرف منتدى الاعضاء
اشكرك يابن العم على كلامك الطيب والغير مستغرب
على مثلك كذلك اشكرك على مرورك
تقبل تحياتي ...... اخوك
نايف الحويماني

المشرف العزيز والاخ عمر الروقي
يذكرني اسمك
بقول الشاعر . انا احمد الله يوم انا من لابة .. ماهم قصار البتوع شواوي
اشكرك على مرورك وكلامك الطيب
وتقبل تحياتي
اخوك.
الحويماني

صح لسانك يالحويماني


على هالمرثيه الجزله


ونسأل الله أن يرحم الميت ويغفرله وذنوبه ويطهره منها كما يطهر الثوب الابيض من الدنس


تحيات وتقدير


أخوك


فيصل منيف النفيعي

اخوي فيصل المسعودي
اشكرك على مرورك وكلامك الطيب ياراعي الشرفاء
لاعدمناك يالطيب.
دمت بخير
اخوك .
نايف الحويماني

صح السانك يا نايف..


والله يرحم الشيخ ربيع مبطي الذيابي العتيبي



ويسكنه فسيح جناته ويغفر ذنوبه..


..
ولاهنت يالجزل.


قصيدة جزلة...


وبيض الله وجهك...


.
اخووووووك



فيصل الحويماني

وانت وجهك ابيض .
يافيصل ..
اشكرك جزيل الشكر على مرورك يالطيب
والله يحفظك ويرعاك
اخوك .
.
.
نايف