موااااااااااااااااااااااااااااااااااااااااااااااال

سلام ياربيعي العتبان *** ياللي لكم فالليالي شان *** يشهد لنا الخلق والرحمن *** واللي شبكنا يخلصنا

نادولي الحر الاشقر لايروح

..................................... جته المخايل تلوح ابروقها

والسر وسط الضماير لايبوح

.................................... والمعرفه بالعقول انسوقها

يامـــرحبا دون لا بتـــنا،والطيـــــب والعز رايتنــــا، وإنا الفخــر في قبيلتنا، واللي شبكنا يخلصنا
خايلت ما شفت لي برقٍ يلوح
............................... إجبال والحر الأشقر فوقها

ما بيننا الأ المحبه والمزوح
.............................ومثايـــــــلٍ طيـــبٍ طاروقها

دام البقى والعلوم اطوال *** مار افهم العلم يارجال *** وترى الجمل يعرف الجمال *** واللي شبكنا يخلصنا

مد النظر مع بعيدين الشبوح

.................................. واجبالن الحر بين اطبوقها

واربع قدورن وعيت لاتفوح

................................ والمشكل انه تشابه ذوقها

أنا علومي على النوماس، ولي عزوةٍ يرفعون الراس، مير الحسد في قلوب الناس، واللي
أنا بعيد النظـــر وبعـــيد شـــوح
........................... وإجبالكم يابـــــسٍ رقــروقها
كل على لا زمه حرصه ولحوح
............................يالجارح الناس دون حقوقها

الكل طيبه على يمناه *** ان جابه الوقت وانا وداه *** والحسد في وجه من ضواه *** واللي شبكنا يخلصنا


الضلع ماهمه الوعل النطوح

................................... وجبالنا راسيات اعروقها

والطب مافاد في بعض الجروح

..................................والصايبه طيبن منطوقها

الطيب الناس تشهدله، حتى لو الوقت يقعدله، وعلم الردى ما يسيّدله، واللي
ما ياصل الوعل عاليت السفوح
..............................فوقه حـــرارٍ تفـــك سبوقــها
ما يدري اليم عن عشرين لوح
............................. ويدين الأبطال دون حلوقها

الطيب الخير قدامه *** يرقى على المجد لاهامه *** والخبل ثوب الردى خامه *** واللي شبكنا يخلصنا


الحر في كف صيادن سموح

................................. والطيبه حض من جاء سوقها

غديت ياراعي القلب النصوح

...................................كلمة وفاء مابغينا بوقها

الطيب للطيب الطيـّب، اللي مع بعيد وقريـّب، وشامت له البكر والثـــيــّب، واللي
مالك وراها غبوق ولا صبوح
................................... وحنا عبـــــاتك نخــيط فتوقها
ما شاقني بالغنى ورقٍ ينوح
,,,,,,,,,,,,,,,,,,,,,,,,, وبعض القهاوي ترى ما أذوقها

الطيب اشهوده الريجيل *** والطيب ماجاء بكثر القيل *** وكلن بعقله يعرف ايكيل *** واللي شبكنا يخلصنا


انته ركبت الحصان اللي جموح

.......................................في ليل شمسه تعاف اشروقها

ناقتك ياصاحبي هبدن رموح

...................................ترعى زهورن عسى زملوقها

ما أباك فيها توضحلي، عرفتها قبل تشرحلي، وليا قصر مادك إسمحلي، واللي

أثرك تغني بلا معنى وروح
,,,,,,,,,,,,,,,,,,،،،، وأثرك كما اللي تمط شدوقها
ينقدك مزحم وينقد الطلوح
،،،،،،،،،،،،،،،،،،،،، وبرقى بمنهاجها وطـــــروقها

تحتاج توضيح يارجال *** وعطيك نبذه عن الاحوال *** اسمع والاتكثر الاقوال *** واللي شبكنا يخلصنا


انته بلا عرف للدنيا شفوح

.................................... ونفسك وراها تزيد احروقها

مقرب من العيب وادليي تموح

................................... بالمعرفه بين برقى وروقها