على العضياني ..شقر شقر

:)


انا ياابن ثعلي في خفوقي ..هوى هوى =لبدع الشقر وان كان نجمك ..هوى هوى
ماتمشي البواخر لانطحها ..هوى هوى =على الهون لاتمشين ياعقرب الساعه



ياعلي وش قال الك سلطان الجذع هاك الزمان =يهود خيبر لاتقربها ولاتاصلها
تريح معزز مكرم مع طويلين اليمان =تحت الغصون اللي على راسك طويل ظلها

انا أشقر ولي فالشعر وزن و قدر قدر=وسلطان هذا الليل اشوفه قدر قدر
على الشقر ولاّ جت قضاء وقدر قدر=على الهون لا تمشين يا عقرب الساعه



قد قلت لي لكنّ انا ما ارتاح والله يا فلان=لين اليهود آصلّها واهينها واذلّها
حنّا نهيمن فالمواقف بالسنان وبالعنان=يا زينها يوم السيوف المرهفات نسلّها

سلطان الجذع + علي العضياني

الله الله

صحت ألسنتكم

واصلوا وعلىىىى القوووووه

ترى اللي يسو العبد قدر.. وقضا قضا =وانا معك صبري ياعلي قد ..قضا قضا
وقاض القضيه مبتلش.. ماقضا قضا =على الهون لا تمشين يا عقرب الساعه




انا ادري انك ساعه الوقفات تضمنها ضمان =لكن مابه فخر لو ديارهم تحتلها
مانت بخصيم الهينين اللي ربو مربا الهوان =خلك مع اللي قد ميقافك ودلك دلها

..
.
ثنين وافين ومبدعين ... ولافيكم حيله ..
... واصلوا واصلوا ... والمتابعه وجبت :)
...

كلامٍ تقوله ما جهلته وصل وصل=و قاض القضيه زبن ولاّ وصل وصل
والف باء ما فيها حرف همزة وصل وصل=على الهون لا تمشين يا عقرب الساعه



الله ومرنا بالجهاد إلزام في نصّ القران=وانته ليا فاتتك ركعه من فريضه صلّها
انا مكاني يالعتيبي مع رفيعين المكان=وعندي دوى غلّ القلوب اللي تزايد غلّها

ذيب المساري



مرزوق العتيبي


شرفتونا يالغالين الله يسلمكم

مدام بن ثعلي للتقاضي ..عزم عزم =ويم القضاه ارسل كروت ..وعزم عزم
انا للمواجه معي قوه ..عزم عزم =على الهون لا تمشين يا عقرب الساعه





الله واكبر يالعلوم اللي على راس اللسان = لو علي يدري عن سنعها قال تكفى خلها
خلك مكانك فالطويله لاتحول للطمان =والحله اللي ماتعز الضيف لاتقبل لها

يبا يفصل الشيخ القضيّه فصل فصل=نعرف السنه بشهورها كم فصل فصل
وتاخذ قرارك في يمينك فصل فصل=على الهون لا تمشين يا عقرب الساعه



اكيد ما هي طيّبه لو طيّبه يا اخوي كان =ما اقول تكفى خلّها يا صاحبي في حلّها
اثر الشجاعه يوم ما تطري على قلب الجبان=الله مقسمها على روس النشاما كلّها

على الطيب والطاله بنانا ..قصر قصر =وعلى العضياني ذراعه.. قصر قصر
يصلي صلاته جمع مدري ..قصر قصر =على الهون لا تمشين يا عقرب الساعه





لاوالله الا ماتحمل ياعلي مس البطان =وانا علومي تدري انك ماانته بكفوٍ لها
الجاهل اللي يوم جاته عشر رجعها ثمان =لاعاد يستقبل من اصحابه ولايرسل لها

لا تصدم براسك في رواسي شعر شعر=ويصبح براسك كسر ولاّ شعر شعر
كلامك نثر وانا كلامي شعر شعر=على الهون لا تمشين يا عقرب الساعه



اعلومك انته كفوٍٍ الها مدهره و سمان=وانا العلوم الطيّبه قدّي وانا قدٍّ لّها
راع الوفا يكرم ... ومن يبغا مضرتنا يهان=عذّل على نفسك وسلّ النفس ساعه سلّها

صحت السنتكم يا شعااااااااااااااااار

ابدااااااااع

لا هنت يالعمده ويعطيك الف عافيه

يعطيكم العافية طاروق جميل و صحت السنتكم

الله الله



إبــــــــــــــــــــــــــــدااااااااااااااااااا ع





يستحق المتابعه لاخر حرف





تحياتي لنجوم الهيلا

اقصــرتوا على المحاوره الرائــعه ..

دمــــتم بخيــــر..