لا تظن الطيب ينفع بالرخوم

على حسب حفظ المواجيب وتعاليم السلوم

نعرف مقاسات البشر بالمرجله ونقوسها



صيت الرجال الوافية بأفعالها ولاّالرخوم

ينبيك عنها قل نفعتها وشين انفوسها



تطرد ورى الدنيا وتكشخ بالمواتر والهدوم

مثل الحريم اغلب دراهمهاعلى ملبوسها



والامعه والشايب الكذاب وضعيف العزوم

ناس مع العالم بلاهيبه تدربي روسها



والبخل خلانه بهايم ولاتسام ولاتسوم

لاشفتها ترفع يدك حمد وشكر وتبوسها



على الصحن هم أول الجلاس وآخر من يقوم

يعيّفك حلو لاكل والشرب طول جلوسها



ماهيب للازم سند ولاذخر عند اللزوم

تموت ماسرك مهايطها وكثر فلوسها



سوالف الخبلان رفعة ظغط وصداع وهموم

فلاوة تخطف علوم العرب وتحوسها



واجب عليك إلياحكت عن جملة حكاها تشوم

الهند مايرس حكومتهم سوى هندوسها



وربع المصالح والمجامل خوة ماهيب دوم

اقولها والتجربه قطع وريدي وموسها



وقت الرخا مثل الصقور اللي على المرقب تحوم

في يذرى ساقك الرمضا وحر شموسها



واليا احتمت صكات بقعا وامست علومك علوم

اتلوي خششها وتجحد خوتك وتدوسها



من عقب ماانت الطيب وقدرك معزز ومحشوم

تصير اردى ماخلق ربي ودم الضروسها



ابعد عن الاشكال ذي بعد الثرى عن النجوم

وش حاجتك في قرب رديان العرب ونجوسها



ماهو عيب ليا عزموك تقول يالربع معزوم

العيب لارحت لعزايمها وجيت عروسها



وخلك فطين تعلمك دنياك درس بكل يوم

والرجل يسلم غثا الدنيا بحفظ دروسها



هذه القصيده للشاعر محمد السهلي

وقد تكرر منك تكرار انزال قصائد في هذا القسم من غير ان تذكر شعراءها
وهذا يدخل في محظورات المنتدى
ايقاف لمدة اسبوع
وان تكرر الشطب

الاداره

صح السااااااااااااااااانك وبنانك يالذيب

دمت مبدعا دوما